Popular Bible Verses from Lûm 4

શેર કરો

Abàlàghâm lè kàꞋa bê màkè àghɨa Mbɔ̧ɔ̧mà kaꞋ nê yea ghɨ̀ la. Tà li ndzì èntɨ̧ɨ̧ vi ane Mbɔ̧ɔ̧mà ègème tè ŋa mènkɔ̀ŋke abua tò. Tà li mbê ndâ mbɨ̧̀ɨ̧̀ne nê, Mbɔ̧ɔ̧mà bɔ mètàŋ e ghɨ̀ àghɨa tà kàꞋa tò nê yea ghɨ̀ la.

mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mâ ghɨ̀ awê nê àa wu tǎt èlaꞋ nyaŋ.” Ale, Abàlàghâm wu tǎt wa a mbì Mbɔ̧ɔ̧mà wu tàa njù̧ù̧me bèmpfəà mè ngɨ̀a èghɨ kà zìꞋì ngu e kɨꞋà ngua mbɨ̀Ꞌɨ̀ tà kàꞋà la.

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Abàlàghâm li ndzì èntɨ̧ɨ̧ vi ane Mbɔ̧ɔ̧mà me chɨ̀Ꞌɨ nê yea ghɨ̌ tsiꞋi tǎt èlaꞋ nyaŋ, kà ye àghɨa tà lɨ̀Ꞌɨ̀ àvi adù̧ la. Wuê mbɨ̀Ꞌɨ̀ Mbɔ̧ɔ̧mà yaŋe kàꞋa tò la nê, “Bòt àndà̧ àyê aa li taꞋa wua ndzà̧aã.”

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème

“Ntsɔ̧̀ wu wòt wu Mbɔ̧ɔ̧mà waꞋa kàbɔ̀ŋ tò, mè nkàbte èbɨꞋte mènəè kàbɔ̀ŋ ègème tà ghɨ̀ la. Ntsɔ̧̀ mè ngu wòt wu Mbɔ̧ɔ̧mà nàa ka nɔ̀ŋa kèmpà̧ mènəè kàbɔ̀ŋ tò la.”

Àkata Mbɔ̧ɔ̧mà, a laꞋnê, “Abàlàghâm li mbɨ̧̀ɨ̧̀ne ànəa Mbɔ̧ɔ̧mà shu la, Mbɔ̧ɔ̧mà nɨa atò mbɨ̀Ꞌɨ̀ wòt ta tɨ̧ɨ̧ ndɨŋndɨ̀ŋ a mbì li la.”