Popular Bible Verses from Lûm 3

શેર કરો

nkàà nê waa waa è ghɨa kàbɔ̀ŋ tè tà kà tsi mbɔ̀ ènɨ̧ wu Mbɔ̧ɔ̧mà li ngɨ̀ atò nê tà bɔŋ la. Mbɔ̧ɔ̧mà nɨa ntsɔ̧̀ vi ngɨ̀ bòt e tsiꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, àku. Tà li ngɨ̀ anè, nkàà èvə lu Yesò Klistò li mpfə nchùꞋù àtsə bòt bàgème ane kàbɔ̀ŋ wɔb la.

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ. Ka àfɨ̀Ꞌ yaa Mbɔ̧ɔ̧mà nyɨꞋte ane èvə Yesò nê yea ngɨ̀à mènəè mi àfɨ̀Ꞌ àgème ndɨŋndɨ̀ŋ, mě nyɨ̀Ꞌte nê wòt yea nɨa mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wu wòt wu tà zi èntɨ̧ɨ̧ vi ane Yesò Klistò la.

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Eyaa wu àghɨa bɔ shɨ a èbem Àkata Mbɔ̧ɔ̧mà la nê, “Wòt kǒ tàa ngɨ̀à ntsɔ̧̀ la e ntsě, ka wuê wemɔ̀Ꞌ Wòt kǒ tà ko ànəê yu, è wu ànəa nkûŋ la è ntsě, Wòt kà mee nguê tàa nkɨ e ko Mbɔ̧ɔ̧mà la. Bòt bàgème e tem kwèn tɔb ŋa abua Mbɔ̧ɔ̧mà, bɔ̀ɔgème e tsiꞋi bòt kàbɔ̀ŋ. Wòt kǒ tà bèla ngɨ̀à ntsɔ̧̀ ane yɔb la te ntsě, ka wuê wemɔ̀Ꞌ.”

Baa ko nê wòt nàa ngɨ̀ tà zi èntɨ̧ɨ̧ vi ane Yesò, ka Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è ntsě a màngɨa èghɨ bu mbɨ̧ nàa shua la.

A ntsě ale. Bòt bàgème e màà ngu wuê bòt mèfà̧, ko Mbɔ̧ɔ̧mà naa tɨ̧ɨ̧ wuê ane èngǎ̧ vi, mbɨ̀Ꞌɨ̀ bɔ shɨ a èbem Àkata tò la nê, “Àa ngɨ̀ à laꞋa, bòt è zə bɔ nê ànəa à laꞋà la wu nkûŋ, bɔ̀ mee bɔ̀ bàŋè mènəè mê, bɔ̀ ka bê ndze àlɔꞋ adù̧.”