Kolose 3 માંથી લોકપ્રિય બાઇબલ વચનો

શેર કરો

Hèŋuŋusiati ahuattek. Elle ihan obo onno orroho jihatai, obusana luŋa epalita honyi. Obusana buo fe epalita waati ihuo onno obusaniere Lamonye epalita hatai.

Otuhonia egigilita hatai 'daŋ jio erre hunno owoni 'to diya, obiaŋara jio erre hunno owoni 'to ifau dini.

Otuhonia atajia hatai 'daŋ jio erre hunne ihaniete itai; nyio, ara inyi ihuo igiamati itai jio Lamonye, buo obiaŋara jio aati.

Obuor ataji Hollum itai, anyimu inyi itai a hulonyi; tania, amanyati luŋa ta amuno, ta amehino, ta anyalami, ta abijon tajia iko ta adihan.

Ijiara luŋa asayyo Kristo ihumi ijiŋana onno oyyu itajia hatai. Ittiyeniete ahuattek te elofioro. Idoloti afureta hutto buk Hollum iko edolita Yesu buo etahabuta Hollum. Isiatta ahumo jio Hollum ta afureta. Tania, ijiara erre 'daŋ hunne ihaniete itai kuyya ikianati itai arai 'daŋ ta afure ono Kristo Lamonye. Tenyi, isiatta ahumo jio Hollum, Monye.

Jio emanyiti hunia 'daŋ, ofonihina abuaran taji, inyi luŋa ottubak, onno oyyu, erre 'daŋ arabotie.

Itubuhuni nyia itai iko Kristo, tania, otuhonia atajia hatai 'daŋ jio erre huttedou; amaji enne itoŋori Kristo iseger ilohittok, iŋati iŋet Hollum.

Irata 'daŋ ababo aŋacio huno ahuan Kristo. Iloŋuni nyia itai 'daŋ imanyari arabotie te nelik tajia. Tania, ijiara nelik taji, onno ottu 'to jio Kristo, ogottiere egigilita hatai. Isiatta luŋa ahumo jio Hollum.

Onuhana luŋa ewahiti afau ana hunno owoni 'to ituajin hatai. Erre ihuo; asomon, asilara, ewahiti 'daŋ hunno orrohoji, iko eŋaru (orriama eŋaru iko etahabuyo 'rijiorita).

Iyeti nyia itai, buo ihuania, awon ahode hode manya jio Kristo, te enoso hatai iko Hollum.

Ati ihuania, obusana erre hunia 'daŋ. Idehina luŋa ajore, aliwa iko arrohoji. Hèlaha 'tuŋ omuk emoriti kuyya ekenita hunno oŋuoji ofuonni to hutuhe hatai.

Hèlaha agesemi owon ihiji hatai, nyio, ibusana itai amanya hatai ono neyyau iko ehanita hatai eberien. Ihuania, irata itai 'daŋ ababo aŋejuho. Abobolororo arahan hatai ihuo Hollum, Ayyani hatai. Ihumata adi imijana inyi.

Ijiara buo fe luŋa habi itabuor ataji jio ŋuruoi honyi. Ijiara luŋa inyi anyalam jihonyi.

Ijiara luŋa aduri oduloro aniŋio esiok hosi, nyio, ariŋ ania onno omuno Hollum.

Ijiara luŋa aŋotte oniŋio habi honyi; nyio, osiru jihonyi ihaniere ihuo nyia ta arahan honyi a Kristiani.