Kolose 2 માંથી લોકપ્રિય બાઇબલ વચનો

શેર કરો

Tania, te eruk hatai Kristo Yesu a Lamonye, amanyati te enoso ikonyi. Ihuo ayyani, ihumata irriomonia aadde hatai jihonyi, oboloronia jihonyi. Ijiara neruk hatai ogol ihuo ninyia ittiyananierek jihatai. Oduloro esiorio ahumo.

Ihumata mijio, hèlaha obo atulo inyob itai te ekenita hunna arai 'to asai. Oleye ettiyenita hunia ihuo hunno oyiji, ati arai isi ettiyenita waati ijiai, hunno ofuonni 'to jio ajiohin huttehiji idou iko afau, buo obiaŋara jio Kristo.

Berien, ninyia hémanyati itai iko eyyata buo fe ibiaŋata irata awaati Hollum, aye nyia oloholioo hatai. Ati ihuania, iyaŋuno Hollum jihatai nesu arabotie iko Kristo. Ahohi nyia Hollum eyyata hohoi 'daŋ; ette buo fe idehina epalita hunyia oŋotoni jihohoi ta amesio hohoi Efahita Mose. Iduha nyia Hollum agolon ono eyyau 'daŋ addi, ette isihonia ikruce.

Nyio, to ninyia amanyari Kristo ifau dini, ara nyia inyi luŋa ihuo Hollum. Ifut nesu jihatai te enoso hatai ikonyi. Agalik inyi ajiohin iko egoliti hosi 'daŋ.

Tania, hèlaha obo atulo oŋotok epali jihatai te eram ŋiyo kuyya amata, kuyya te eram oloŋ onno odua 'to, kuyya te eram ono Neyom ono Ayafa Aŋejuk, kuyya te eram ono Sabatto. Nyio, arai erre hunia 'daŋ arrijiorihien huno erre hunno ofuoi 'to ifuanna; ati Kristo ara ariŋ ahode.