Popular Bible Verses from کولوسلولارا 3

શેર કરો

بئربئرئنئزی تحمّول ادئن و بئربئرئنئزی عفو ادئن. هر بئرئنئزئن، بئرئسئندن شئکایتی وارسا، باغیشلایین. رب سئزی باغیشلادیغی کئمی، سئز ده گرک اِله اده‌سئنئز.

فئکرئنئزی دونیه‌وی شیلرئن اوستونه یوخ، گؤیده‌کی شیلرئن اوستونه قویون.

نه ادئرسئنئز، جانلا ادئن؛ آداملارا یوخ، ربّه.

بوندان اؤتری، تارینین سچئلمئش، موقدّس و عزئزلری کئمی شفقتلی، مهرئبان، باشی‌آشاغی، حلئم و صبئرلی بئر اوره‌یی گیئنئن.

قویون مسئحئن کلامی بوتون دؤولتلئیی‌ائله سئزده ساکئن اولسون. بئربئرئنئزه بوتون حئکمتله تعلئم و نصئحت ورئب، مزمورلار و ماهنی‌لار و روحانی نغمه‌لر و اورَکلرئنئزده شوکورلرله تارییا اوخویون. سؤزده و عملده نه ادئرسئنئز، هامیسینی رب عئسانین آدیندا ادئن و اونون واسئطه‌‌سی‌ائله آتا تارییا شوکور ادئن.

و بونلارین هامیسیندان علاوه، محبّتی گیئنئن کی، کامئل بئرلئیئن باغی‌دیر.

بله‌جه اگر مسئحله دئرئلئبسئنئز، یوخاریداکی شیلری آختارین کی، اورادا مسئح تارینین صاغیندا اوتورور.

قویون مسئحئن باریشی اورَکلرئنئزده حاکئم اولسون کی، اونون اوچون ده بئر بدنده چاغیریلدینیز. و شاکئر اولون.

بونا گؤره، یردن اولان بدنئنئزئن عوضولرئنی عئفّتسئزلئیه، ناپاکلیغا، هاوا-هوسه، پئس آرزولارا، و طاماحا کی، بوتپرستلئکدئر، اؤلو گومان ادئن.

چونکی سئز اؤلوبسونوز و حیاتینیز مسئحله تاریدا گئزلی‌دئر.

آمّا ائندی سئز ده اونلارین هامیسینی بئر یانا قویون: قضبی، قیضی، کئنی، ائفتئرانی، آغزینیزدان چیخان ائنجئدن سؤزلری.

بئربئرئنئزه یالان دمه‌یئن، چونکی سئز کؤهنه منئیّتی و اونون بوتون عمللرئنی سویونوب اؤزونوزدن آتیبسینیز. و تزه منئیّتی گیئنئبسئنئز کی، اونو یارادانین صورتتئنه بنزه‌ر، تزه بئر معرئفته یتئشمک اوچون تزه‌له‌نئر

ای کئشئلر، آروادلارینیزا محبّت ادئن و اونلارلا آجی رفتار اتمه‌یئن.

ای اؤولادلار، هر شیده والئدینلرئنئزدن ائطاعت ادئن، چونکی بو، ربّی خوشنود ادئر.

ای آروادلار، ربّه لایئق اولدوغو کئمی ارلرئنئزدن ائطاعت ادئن.