Popular Bible Verses from کولوسلولارا 2

શેર કરો

بله‌جه، رب مسئح عئسانی نجه قبول ادئبسئنئز، اِله‌جه ده اوندا رفتار ادئن. اوندا کؤک سالیب و بئنا اولونوب اؤیر‌ندئیئنئز کئمی، ائماندا مؤحکمله‌نئن و شوکرانلارلا دولوب داشین.

دئقّتلی اولون کی، هچ کس سئزی مسئحه اساسن یوخ، بوش حئیله و فلسفه‌یه، ائنسانلارین حدئثلرئنه، و دونیانین ائبتئدائی اوصوللارینا اساسن اسئر آلماسین.

و تقصئرلرئنئزده و جئسمئنئزئن ختنه‌سئزلئیئنده اؤلو اولدوغونوز زامان، تاری سئزی اونونلا برابر دئرئلتدی و بوتون گوناهلاریمیزی بئزه باغیشلاییب. و امرلره اساسن ضئدّئمئزه اولان و بئزئمله دوشمنچئلئک ادن بورجون سندئنی لغو اتدی و اونو آرادان قالدیریب چارمیخا میخلادی.

چونکی مسئحده اولوهئیّتئن بوتون دولولوغو بدنجه ساکئندئر. سئز ده اوندا کامئل اولوبسونوز و او، هر ریاست و ائقتئدارین باشی‌دیر.

بونا گؤره، قویمایین هچ کئم یمک و یا ائچمک اوزوندن، و یا بایرام و یا هئلال و یا سبّت گونو اوزوندن سئزه حؤکم اتسئن. بونلار گله‌جک شیلرئن کؤلگه‌سی‌دئر، لاکئن بدن مسئحه عاییددیر.