मत्ती 20
20
मोलान मोन्जऱ्या वार्ता
1स्वर्गान राज्य कुणा एका घेर मालकान होस हि, तो वेगीस ज्यान केरीन निकेलने का मोंजऱ्याह आपणो अंगूर मोलामाय काम केरणेन लागाडणे. 2एने तान कामकेरनाराहएक रुपयो रोज ठेरिनीन ताह आपणा अंगूर मोलामांय मुकलेल. 3ओवतो तो नोव वाजता बाहेर निकली आवो ते ताह बाजारामाय रिकामां उबरीयेल रीईल देखाना, 4तो ताह कियील, तुमु भी अंगूर मोलाम जावू, जे योग्य ते मी तुमूह आपुह, एने ता गीया. 5पोशा बारा एने तीन वाजता लगभग बाहेर निकलीन तोहोलोच किरील. 6ओवतो पाच वासतान लगभग तो बाहेर गीयो, तेवी उजू उबरीयेल रीईल ताह आयडीन हादिन कियील, तुमूह आखो दिह न्या रिकामा काहा उबरीयेल हेते? ता ताह केया, काहाकाय आमूह कूण मोन्जऱ्यो नाह लागाड्यो. 7तो ताह कियेल, “तुमु भी अंगूरान वाडीम जावो.”
8“ओवतो हांजपोर इयेलपूर अंगूर मोलान धनी आपणो कारभाऱ्यान कियील, कामकेरनारो हाद एने पासन्यापोरी सुरुवात केरीन पेल्ला ताहवोर ताह मोजरी आप. 9तेवी ता अकरावा तासा सुमारास लागाड्ये एता, तो आविलपोर ताह रुपयो जुडना. 10ओवतो जे पेल्ला आवा ताह आपुहू होवटो जुडील, इही ताह लागनो तेभी ताह रुपयो रुपयाआ जुडना. 11तो तास लेनेपोर घरधन्याविरुद्ध कुरकुर केरीन कियील, 12ज्याह आखरी वालाह एकुच तास काम किरील, आमु दिहीबोरीन दोपाम मेहनत किरील एने आमूह ताहाच आपु सारकोस लिखील. 13तेवी तान ताम एकाह उत्तर आपील, गाड्या, मी तारो अन्याय केरीन नाहं, तू मारहे-या रुप्याआ ठेराव किरील कि नाहं? 14तू आपणो रुपयो, लीन चालणेन फोलरेना, जोहलो तुवाह तोहोलो ज्याह आखरी वालाहाभी आपणे ओहलो मारी ईच्छा हि, 15जे मारा हि उचित तान मी आपणो मोरजी केरीन केरता मुखत्यार नाहं काय? जर मी उदार हि तारो डोला माय सतले काय? 16ज्यानहोस शेवटयो, तो पेल्ला, एने पेल्ला, तो शेवटयो एती.”
आपणी मोत ने विषयामाय यीशुन तिसरी भविष्यवाणी
(मरकुस 10:32-34; लूका 18:31-34)
17यीशु उपेर यरूशलेमाम जातेन बेतुम येतो तान बारा चेलाह वाटेहे एकउखीर लीजाईन कियील, 18“देखू, आपु उपेर यरूशलेमस जातेह एने माणहान सोराह मुख्य याजकांन एने शास्त्री यान आथे देर विन आपणे माय आवी; तो ताह मोरने दण्ड देती, 19एने थट्टा केरीन केरता, फरके मोनान केरता एने क्रुसांपोर खिलने केरीन ताह अन्य जाती स्वाधीन केरती; एने तीन दिहामाय तो पोशो उठाडी जाय.”
एक आईकने विनंती
(मरकुस 10:35-45)
20तेवी जब्दीन सोरान आईकने आपणो सोराह, तान उगे आवीन तान पाया पोडीन तान आहने काही मांगील. 21तान तीह कियील, “तुवाह काय जुवी?” ती ताह कियेल, “तुमरो राज्यातम मारो ज्याह दुय सोरामारीन एकजाण तुमरो जेवडी उगे एने एकजाण डाखरीउगी बोहणे ओहलो हुकुम केरू.” 22यीशु कियील, “तुमूह काय मागनु हे. तुमूह होमजाडणे नाहं; जो प्याला मी पिनार हि, काय तो तुमूह पिवाय काय?” तो ताह कियेल जाय. 23तान ताहाच कियील, “मारो प्याला तुमूह प्याल खेरो, पुण मारो जेवडी उगे एने मारो डाखरीउगी बोहणेन अधिकार आपणे माहुफाय नाहं, जर ज्यानकेरता मारो आबाक फाय हा सिद्ध किरील तान केरता तो हि.”
24हि वात दहा चेला ता दुय बायाक राग आवा. 25पुण यीशु ताहाच बोलीन कियील, “अन्य जाती पुर तान अधिपती प्रभुत्व चालाडहे, एने मोठलो माणेहेबी अधिकार केरतेहे, ज्यो तुमूह मालूम हि. 26तोहोलो तुमरे माय नाहं, तर जो कूण तुमरे माय श्रेष्ठ एहू दिखेह तो तुमरो दास एय. 27एने जो कूण तुमरे माय पेल्लो एहू दिखेह तो तुमरो दास एय, 28ज्यानहोस माणहान सोरो, सेवा केरीन ओहलान केरी नाहं, तर सेवा केरीन केरता एने आखान सुटकारान केरता तान जीव आपी.”
दुय आंधलाह दुष्टीदान
(मरकुस 10:46-52; लूका 18:35-43)
29ओवतो यीशु एने तान चेला यरीहो नगर मरीन जात एतालून. मोठू माणहे एखठा हेते तानपासाणरी चालहु. 30तेवी, देखू वाटी पुर बुहील दुय आंधलाह जागे रीन जात हि ज्यो होमलीन आयडीन कियेल, “हे प्रभु, दाविदान सोरो, आमुपूर दया केरू.” 31तास उगे रिजी केरीन माणहान ताहा जुल्या; तेभी तो जादास आयडीन कियेल, “हे प्रभु, दाविदान सोरा आमुपूर दया केरू.” 32यीशु शूने उबरीयेल रेयीन, ताह बोलीन कियील, “मी तुमरेआथ लागाडील केरता काय केरूह? तुमरी काय ईच्छा हि?” 33तो ताह कियेल, प्रभुजी, “आमरा डोला उगाड.” 34तेवी यीशुह दया आवील तो तान डोलाह आथ लागडील तो, तेवी ताहाच तात्काळ देखणे लागिल एने ता तान पासाणुच चालणे लागिल.
Currently Selected:
मत्ती 20: NLXNT
Tõsta esile
Share
Compare
Kopeeri
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.