Mataio 3
3
Ko te Tālakiga a Ioane te Papatiho
(Mlk 1.1-8; Luk 3.1-18; Ioa 1.19-28)
1I nā aho iēnā, na fano ai ia Ioane te Papatiho ki te vao o Iutea, kua kāmata oi fai ai tana tālakiga. 2Kua lea vē atu, “Liliu kehe mai autou agahala, auā ko te Mālō o te lagi kua tafapili mai!” #Mat 4.17; Mlk 1.15 3Ko Ioane te tamāloa na tautala fakatatau ki ei te pelofeta ko Ihaia, i te leaga vē: #Iha 40.3 (LXX)
“Ko te leo o he tino e taukalaga i te vao;
‘Hāuni te auala o te Aliki;
fakahakohako ona ala!’ ”
4Ko nā kofu o Ioane na fai i nā fulufulu kāmela; nae fai tona fuhi pakumanu i tona taugātiti, ma ko ana meakai ko te hē-akelihe ma te melivao. #2 Tup 1.8 5Kua gāholo mai kia te ia nā tino mai Ieluhalema ma te itūmālō uma o Iutea, vēnā foki ma nā kogāfenua uma e tafapili ki te vaitafe ko te Iolitana. 6Kua tōlaulau atu a lātou agahala, ma na papatiho ai kilātou e ia, i loto o te vaitafe ko te Iolitana.
7I te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho kilātou, oi na lea vē atu ai kia te kilātou, “Koutou fānau a gata—ko ai te na lea atu e mafai koutou ke hao i te fakahalaga a te Atua kua tāli pa mai? #Mat 12.34; 23.33 8Fai nā mea ke iloa ai ko koutou kua halamō i autou agahala. 9Ma ia koutou nahe manatu e mafai koutou ke hao mai te fakahalaga, kāfai koutou e lea ko Apelaamo he tupuna e o koutou. E lea atu au kia te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo. #Ioa 8.33 10E pa foki lava ki te taimi nei, ko te toki kua hāuni ke ta ki lalo nā lākau i nā aka; ko nā lākau uma e hē fua mai ai ni fua lelei, e ta ki lalo ma togi ki te afi. #Mat 7.19 11E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hili atu lele ia i lo au, ma e hē aogā au ke hikia ona hēvae. Ka ia papatihoa koutou i te Agaga Paia ma te afi. 12Kua i tona lima tana tui lūhaito ke lūlū kehe ai nā atigi haito, ma fakaputu nā fuāhaito ki loto o tona fale haito; kae ka huhunu e ia nā atigi haito i te afi e hē mafai ke mate.”
Ko te Papatihoga o Iehu
(Mlk 1.9-11; Luk 3.21-22)
13Ko te taimi tēnā na pa ifo ai ia Iehu mai Kalilaia, ma na fano ai ki te vaitafe ko te Iolitana ke papatiho ia e Ioane. 14Kae kua taumafai ia Ioane ke teteke ki ei, ma na lea vē atu ai kia Iehu, “Ko au te tatau ke papatiho e koe, kae ko koe kua hau ke papatiho koe e au!”
15Kae kua tali mai ia Iehu, “Fai vēia kō mo te taimi nei, kae ke taunuku ai nā mea uma kua finagalo ki ei te Atua.” Oi na malie ai ki ei ia Ioane.
16Na uma loa te papatiho o Iehu, oi na fanake ai ki luga mai te vai. I te taimi lava tēnā na matala ai te lagi, ma na ia kitea atu te Agaga o te Atua kua fanaifo ki lalo e vē he lupe, ma tū ki ona luga; 17ma he leo na fanaifo mai te lagi e vē, “Ko toku Ataliki pele tēnei, e fiafia lahi au ki ei.”#Ken 22.2; Hal 2.7; Iha 42.1; Mat 12.18; 17.5; Mlk 1.11; Luk 9.35
Currently Selected:
Mataio 3: TOKU
Tõsta esile
Share
Kopeeri
Want to have your highlights saved across all your devices? Sign up or sign in
Bible Society New Zealand Charitable Trust