रोमी छ्य़ेगी ङोहस्यी
छ्य़ेगी ङोहस्यी
दि यिहगी पावलगी रोम क्याहसाला येहकेन्गी छेन्छोकला प्रुहक्यो येहकें। ओ़ह छेन्छोक ङ्याम्बु थू़दी, खुङ ङ्याम्बु ङ्यिहमा तोबा थु ल़ेह पेह फान्ज्यो खुङ लाहमले रो़हराम लेहन्दी स्पेनला डोज्ये पावलगी सेम्बा येहकें। दि यिहगी खोगी मास्यीकापा मिहलीला कोहएँगी से़हया़ ङोहस्यी तेर्च्येला प्रुहक्यो येहकें।
पावलगी रोमगी छेन्छोकला टास्यी-देले ताङगेराङ खोगी खुङया़गी तेहन्दाला नाहम-माना सोल्वाङला ट़ेहन्ग्योगी तामया़ दि छ्य़ेला प्रुहक्यो येहबा। ओ़ह तिङले खोगी यिहगीकी तेहन्दाला दि ल़ेहमु पेहती प्रा साल्गे: “या़हबु लेहङगुगी मिहया़ला किन्ज्योगी राहङगी दिनला काह-ठि पेहती टाहङबु ज़ो नाङगे, ओहले किन्ज्योगी दिनला टाहङबु ज़ी़ ख़ूएँगी केच्या यिह-छ्य़े लाहमलेॱराङ ओहङगे यिहम्बा ओहले यिह-छ्य़े लाहमलेॱराङ छाङबुॱआङ डोएँ यिहम्बा” म़ेदी प्रा साल्दी येहबा।
किन्ज्योगी दिनला मिह थाम्ज्यी टाहङबु सी़हॱराङ कोहएँ ओ़ह यहूदी यिहॱना़ यिहन लेहमेन क्यिहपागी मिह यिहॱना़ यिहन च्यिबेमाना मिह थाम्ज्यी तिहक्पाकी ओङ चो़ला छ्यिती येहबा। ओहले राहङ टाहङबु सी़ह ख़ूज्येला थाम्ज्यीगी येशू मास्यीकाला यिह-छ्य़े कोहएँ। ओ़ह तिङले येशू मास्यीका ङ्याम्बु येहकेन्गी मिहली साम्बागी तेहन्दाला पावलगी प्रा साल्दी येहबा।
दि छ्य़ेला येहकेन्गी ने़जोया़
छ्य़ेगी ङोहस्यी दाङ तेहन्दा १:१-१७
मिहला थार्पागी कोहपु येहबा १:१८–३:२०
थार्पागी तेहन्दाला किन्ज्योगी छ्या़ले ३:२१–४:२५
मास्यीकाला मिहली साम्बा ५:१–८:३९
यहूदीया़की तेहन्दाला किन्ज्योगी छ्या़लेया़९:१–११:३६
मास्यीकापा मिहया़गी डोलु-तेहलु १२:१–१५:१३
ज्युक्स्योलगी ताम दाङ टास्यी-देले १५:१४–१६:२७
Praegu valitud:
रोमी छ्य़ेगी ङोहस्यी: HYLM
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
© 2023 (Active), Wycliffe Bible Translators, Inc. All rights reserved.