गलाती 1
1
पौलुस वोलरोत अभिवादन
1पौलाआ जो नाहा माहाआ वोलरोत नाहा माहा द्वारा पोन येशु ख्रिस्त अने परमेश्वर बाह्हाआ द्वारा जो तियाहा मोल्यामरोत जीवतो कोअयु प्रेषित होय 2अने आखे पायहोहो जे माआरी होय गलाती मंडली नावामेहे 3परमेश्वर बाह्हू अने आमाआ प्रभू येशु ख्रिस्त याआ तुमामे कृपा अने शांती जोडती रोय. 4तिये स्वतःहा आमा पापो कोअता आपित आप्लु म्हणजे आमाआ परमेश्वर अने बाह्हाआ इच्छे वांही आमाहा या वर्तमान टायमोमें अने वाईट संसारामेरोत सुडावे. 5तियाआ स्तुती अने गौरव कायम ओवती रोय आमेन.
फक्त एकुज सुसमाचार
6माहु आश्चर्य लागेहे का जीआ तुमामे ख्रिस्ताच्या कृपेमध्ये हादाडये त्यापोरोत तुमु ओतो जल्दी फिरीत अने दिहरेज हाजो सुसमाचारो वोल झुके वोल्ये. 7पोन तो दिहरु हाजो संदेश होय नाहा पण ती गोठी एहली होय का केते एहलो होय ते तुमामे बीवाडीते आपत्ले अने येशु ख्रिस्ताच्या सुवर्तेला बिगडाव नारू प्रयत्न कोअता. 8जर आमाहा किंवा स्वर्गदूत पण आव सुवर्तेला सोडीत जे आमू तुमामे कोयु होय तियाहा सोडीत दिहरी सुवार्ता तुमामे कोअही ताहा ते श्रापित होय. 9जेहलो आमाहा पालील्यो कोत चुक्यो होय तेहलूज आमाहा फासी सांतो का आव सुवार्ता सोडीत ज्याहा तुमु होव कोयत होय जर कोडु दिहरु हाजू संदेश कोअही ताहा तो श्रापित होय. 10ओमे आय की मांह्हू मानत्लू के परमेश्वरोओ? के आय मांह्हू संतुष्ट कोइलाआ इच्छा कोअत्लू जर आय ओमे पर्यंत मांहोहो संतुष्ट कोईत रोला ओतलू ताहा ख्रिस्ताआ दास रोला नसते.
प्रेरितों कोअता बुलाहट
11ऐ पाही, आय तुमामे कोत आपोहो का जी सुवार्ता आय कोल्यी होय ती माहाआ नाहा. 12काहाके ती माहु महापरोत नाहा अने माहु हिकाडये पण नाहा पण येशु ख्रिस्ताच्या प्रकटी कोअनाराहा जोडयेहे होय. 13यहुदी कोतेहे जे पालील्यो माआ वागणुक ओते त्याविषयी तुमु होमल्यु होय का आय परमेश्वरो मंडलीई जास्तीज छळ कोईत ओतू अने नाश कोअला 14माआ जाखो जातीही जे मा सारखच ओते, यहुदी मतात जाखो वोदिते जातले ओते अने आपाआ पूर्वजाआ परंपराकोता जास्तीज उत्तेजित ओते. 15पोन परमेश्वरोओ जीआ माआ याह्हीई गर्भातूनच माहु ठेरव्यो अने आपाआ कृपेणे हादीत लेधलो, 16जाहा इच्छा उवी का मामेह आपाआ पोऱ्याहा प्रकट कोईलो का आय अन्यजातिमे तियाआ सुसमाचार प्रचार कोहू तेहलाम आय मांस किंवा रक्तवाही मार्गदर्शन लेधलो नाहा, 17अने यरुशलेमेत पण गोल्यो नाहा त्याआरी जे माआगाडी जे प्रेषित ओते पण लागेज अरबला निहित गोल्यू अने तीरोते दमिश्काला फिरीत आवयू. 18फासाडी तीन वरहो मेहे आय कैफाला मिलनेकोता यरुशलेमोमे गोल्यो अने तियाआ जागे पंधरा दीही रोला. 19पोन प्रभूआ पाही याकोबाला सोडीत दिहरा प्रेषितांमधून एकाहा पण मिल्यू नाहा. 20ज्या गोठी आय तुमामे लेखातुलू पाला, परमेश्वरोओ उपस्थित होमजीत कोत्लू ते खोटो नाहा. 21याफासाडी आय सिरीया अने किलीकीयाच्या प्रदेशाम आवयू. 22पोन यहुदिया मंडली जे ख्रिस्तामध्ये ओते माआ सोब खोरोज पाल्लये निमिले, 23पोन तिया मंडळ्या ओच होमलित कोयु का जो पहीले आमाआ छळ कोईत ओतु आमाहा ओमे तियाआ विश्वासाआ सुवार्ता प्रचार कोअत्लू ज्याहा पालील्यो नाश कोईत ओतु. 24अने ते माआ विषयाम परमेश्वरोओ गौरव कोईओलो.
Currently Selected:
गलाती 1: NOINT
Tõsta esile
Kopeeri
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.