2 कुरिन्थि 2
2
खोदोओ प्रेमोओ पुष्टि कोअलो
1आय आपाआ मोनामे ओ ठेरवीही ओते का फासी तुमापोओ दुख दयाआ आविलो नाहा. 2काहाके जर आय तुमामे दुखी कोअनारू, ताहा माहु आनंद आपणारे कोडू रोही? फक्त तोज ज्याहा आय नाराज कोल्यु? 3अने आय ए गोठी यकोअता लेखी का एहलो उवूंहू नाहा का आय आवेताहा याहीरोते माहु आनंद मिलूहु जोवे त्याआरोत आय नाराज ओवुहू; कारण माहु तुमु आव आखे गोठीई भोरुसो होय का जो माआ आनंद होय तोज तुम्हाआ आखाआ पण होय. 4वोडो संकटामें अने मोनोमेहे काम कोईते आहवे काडीत-काडीत तुमामे लेखत्लू ओते यकोअता नाहा का तुमु नाराज उवे पण यकोअता का तुमु तिया वोडो प्रेमाहा होमजीत लेई जोवे जे माआ तुमापो होय.
पापीही माफी
5जर कोडु नाराज कोल्यु होय ताहा माहुंज नाहा पण (त्याआरी जाखो वाईट कोअनारू नाहा) किबी-किबी ताहा तुम्हाआ आखाहा पण नाराज कोल्यु. 6एहलो माहुकोता ओ शिक्षण जे पाहीआरी पुष्कळांना आप्लु होय जास्तीज होय. 7त्याकोता यापोरोत हाजो ओ होय का तियाआ अपराध क्षमा को अने शांती आपीद्या उवूंहू नाहा का एहलो माअहु फासी जाखो नाराजोमे पोडीत जानारू. 8यी वजेसी आय तुमामे विनंती कोअत्लू का तियाहा आपाआ प्रेमाची खात्री आपा. 9काहाके आय यकोअता पण लेखिलो ओते का तुमामे पारखिल्यु लेऊ का तुमु माआ आखे गोठी मानिलो तीयार होय का नाहा. 10ज्याआ कोडाआ तुमु क्षमा कोअता तियाहा आय पण क्षमा कोअत्लू काहाके आय पोन जे किबी क्षमा कोल्यु होय, जर कोल्यु होय ताहा तुमा कोअता ख्रिस्ताजागी ओत क्षमा कोल्यु होय 11का शैतानोहो आमापो दावा चालुला कोअता नाहा, काहाके आमाहा तियाआ युक्तीपासून अनजान नाहा.
मकुदुनियाआ कोअता यात्रा
12जाहा ओ आय ख्रिस्ताची सुवार्ता कोहू त्रोआस माय आवयू, अने प्रभूऊ माकोअता एक दरवाजू उगडालू, 13ताहा माआ मोनुमे चैन जोड़ी नाहा यकोअता नाहा का आय आपाआ पायहोहो तीतूस ला मिलायु नाहा यकोअता का त्यापोरोत खोबोर घेऊन आय मकिदुनिया निहित गोल्यो.
मसीह सेवकोओ जीवनोंओ सुगंध
14पोन परमेश्वरो धन्यवाद होय, जो ख्रिस्तामध्ये हरेक टेमे आमाहा विजयो उत्सवात घेऊन फिरत्लो अने आपाआ ज्ञानाचा सुगंध आमापोरोत हर एक जाग्तली वेरायो. 15काहाके आमू पर्मेश्वरारी तारण मेलविल्यो अने नाश उवनारू बेनु कोअता ख्रिस्ताचे सुगंध होय. 16दिहिराकोते ताहा मोईला निमतीवाही मोईला गंध अने केताज जीवनाआ निमित्ताने जिवनाआ सुगंध हाजो आव गोठीई योग्य कोडू होय? 17काहाके आमू तिया पुष्कळा होसे नाहीत, जे परमेश्वरोओ वाचनामे मिशर कोअता पोन मोनोमेहे खोरो डोआवाही अने परमेश्वारापो रोत ख्रिस्ताची आवीगोया होमजीत ख्रिस्तामध्ये गोगत्लू.
Currently Selected:
2 कुरिन्थि 2: NOINT
Tõsta esile
Kopeeri
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.