1 कुरिन्थि 4
4
मसीहाआ विश्वासयोग्य भंडारी
1माहू आमुह मसीही आ सेवक अने परमेश्वराआ भेदोओ कारभारी सोमजे. 2फासाडी ते कारभारी मध्ये ए गोठी देखल्यी जाहो का तो विश्वासयोग्य जोवे. 3पोन माआ नजरोम ए जास्तीज हानू गोठी होय का तुमु किंवा माअहा कोडु न्याय कोअनारू माहु पारखुनारू, पण आय स्वतःहा फारखील्यू नाहा. 4काहाके माआ मोन माहु कोडनीबि गोठीमे दोषी ठरावीत नाहा पण यावांही आय निर्दोष ठरव्ये नाहा काहाके हु पारखिनारु प्रभू होय, 5त्याकोता जो पर्यंत प्रभू आवीत नाहा वेलाआ आगाडी कोडलाज गोठीई न्याय उवे नाहा; तेहलाम आंदाराम निकाली गोठी उजवोडाम देखाळीत अने मोनोमेहे पुसिलो उघड कोअनारू, तेहलाम परमेश्वारापोरोत आखाकाजे प्रशंसा कोअयी जाइअलो.
मसीह कोअता मुर्ख
6ऐ पाही, आय आव गोठी तुमा कोअता आपीही अप्पुलोसोओ चर्चा दाखलाआ रुपात कोअयी होय यकोअता का तुमु आमापोरोत ओ शिकजीव का लेखणारा आगाडी जाऊ नाहा अने एकाच पक्षा मेहे अने दिहरा विरोधाम गर्व कोहू नाहा. 7काहाके तांआम अने दिहरा कोडू भेद कोअत्लू? अने तापो की होय जे तू दिहरापोरेत जुळाविते नाहा अने जांहा तू दिहरापोरेत जुळाविते ताहा एहलो गर्व काहा कोअत्लू जेहलो की जुळाविते नाहा? 8तुमु ताहा तृप्त ओतगोयु होय, तुमु श्रीमंत उवे होय, तुमु आमाहा नसताना राज्य कोल्यु पण एहलो हाजो उवे ओते का तुमु राज्य कोईत ओतुताहा आमाहा पण तुमाआरी रोत राज्य कोल्यु ओते. 9माआ ध्यानाम परमेश्वराने आमाहा प्रेषितांहा आखाआ नंतर एहलो माहुकोता ठेरव्यो होय जिया मोईला आज्ञा ओतगोयु गोयी होय; काहाके आमाहा जुगोवोले स्वर्गदूत अने मांहाकोअता तमाशा ठरविल्यो होय. 10आमू ख्रिस्तासाठी फोगु होय पण तुमु ख्रीस्तात बुद्धिमान होय; आमाहा अशक्त होय पण तुमु बलवान होय तुमु मानपान मेलविला पण आमाहा अपमान ओतू. 11आमू आव टायमोपो रोत फुकल्यो अने तोरह्यु अने उगडे होय अने ठोसकात्लू खायलो होये अने बारथे-बारथे फिरत्लो, 12अने आपाहाज आताई परिश्रम कोअत्लू मांहे आमाहा वाईट कोते ऐ अने आमाहा तियाहा आशीर्वाद आपोहो ते छळ कोअता आमाहा ते सहन कोअत्लू. 13ते आमाआं निंदा कोअता आमू विनंती कोअत्लू आमाहा ओमेजा जगोआ गाळ अने आखे वस्तूंचे पापडू सारखो उवे होय.
मसीहाआ अनुसरण कोअलोओ पौलुसोओ सलाह
14आय तुमामे लाज आवे कोइला कोअता लेखत्लू नाहा पण आपाआ प्रिय पोऱ्यो होमजीत तुमामे बोध कोअत्लू. 15काहाके ख्रीस्तात तुमाआ शिकाडणारे दहा हजार पण रोल्या ओते तेबी पण तुमाआ बाह्हू जाखो नाहा यकोअता का ख्रिस्त येशुमेहे सुवार्ताआ त्यापोरत आय तुमाआ बाह्हू होय. 16यकोअता आय तुमामे विनंती कोअत्लू का माआ सारखो वागणुक को 17तीयाकोता आय तीमुथियुस जो प्रभूमे माआ प्रिय अने विश्वासयोग्य पोऱ्या होय कोईत तुमापोओ मोकोल्या होय तो तुमामे ख्रिस्तात माआ वागणुक ओर कोईत आपी जेहलो हर एक जागापो हर एक मंडलीम हिकवन आपोहो. 18किबी ताहा एहलो फुलत्लू गोये होय जणू आय तुमाही आवेहेज नाहा. 19पोन प्रभूऊ इच्छा होय ताहा आय वेगुज आविलो अने तियाअ फुग्विलयो गोठीहि नाहा पण तियाआ सामर्थ्याआ होमजीत लेही. 20काहाके परमेश्वरोओ राज्य गोठीमेहे नाहा पण सामर्थ्याआ माय होय. 21तुमामे की जोवे? के काठी घेऊन तुमापोओ आवहू किंवा प्रेम अने नम्र तियाआ आत्माआ घेऊन आवहू?
Currently Selected:
1 कुरिन्थि 4: NOINT
Tõsta esile
Kopeeri
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.