Populaarsed piiblisalmid 2 Tesalonicenses 2

Jaga

A³li² vˀa³na⁴cha⁴-jin²no³ to⁴ˀya³-ni³ ni⁴to⁴jme³ cjoa⁴-ni³. Nca⁴ li²coi³ cjoa⁴ˀai¹ ni⁴čhjin³-le⁴ Nai³-na¹, tsa² tsi² ti¹tjon² cjoa⁴ˀai¹ xi³ co²ntran⁴ coai⁴-le⁴ Jesús, cˀoa⁴ tsa² tsi² coan⁴tsen³ je² cho⁴ta⁴tsˀen⁴, je² cho⁴ta⁴ xi³ cha⁴jin³.

To⁴nca³ jin⁴-jin⁴ ma³chjen¹-na³jin⁴ nca³ cˀoai⁴-lai⁴jin⁴ cjoa⁴nta³ Ni³na¹ nca³ntsjai² xi³ tˀa³tsaon⁴³, ntsˀe³² xi³ tjao²que³-no³ Nai³-na¹. Tsa³cja³ˀa¹jin³-no³ Ni³na¹ sa³ˀnta³ nca³ to²tsˀin³-le⁴ cjoa⁴ nca³ coi²tjo⁴ntjao²³ to⁴tˀa³tsˀe⁴ je² Espíritu Santo xi³ qui³si³tsje³ya³-no³ cˀoa⁴ to⁴tˀa³tsˀe⁴ nca³ ma³cjain¹-no³ xi³ cjoa⁴qui²xi⁴.

Cˀoe¹jna³toan¹ coi⁴so¹tjen⁴ co²ntran⁴-le⁴ nca³yi³je³ xi³ Ni³na¹ ˀmi² a³xo⁴ xi³ ˀya³xcoan¹, sa³ˀnta³ cˀoe¹jna³ ya⁴ yo⁴nco⁴ jo³-ni³ tsa² Ni³na¹, nca³ Ni³na¹ tso²-le² yao³-le⁴.

Ti⁴je²-ni³ Nai³-na¹ Jesucristo cao⁴ Ni³na¹ Nˀai³-na¹, je² xi³ cjai¹nca³ coan³tsjoa³que³-na¹, qui³tsjoa³-na¹ cjoa⁴je³ta³con² xi³ cˀoe¹jna³jin³ntsjai²-na¹, cˀoa⁴ xi³ nta³ ti³cho³ya²-le⁴² xi³ to⁴tˀa³tsˀe⁴ cjoa⁴nta³-le⁴. Ca²ta³si¹je³con³ ni⁴ma⁴-no³, cˀoa⁴sˀin² nˀion¹ ca²ta³si¹ca³tio¹-no³ nca³yi³je³ en¹-no³ cao⁴ xa¹-no³ xi³ nta³ tjio¹.

Coi³ cjoa⁴ nca³ Ni³na¹ si¹ca³sen¹-ni³le⁴ jnco³ cjoa⁴chˀa²-na⁴cha⁴ xi³ si¹xa¹jin³-le⁴ nca³ je², jme¹-ni³ nca³ cˀoa⁴sˀin² coan⁴cjain¹-si¹ni³le⁴ cjoa⁴nti³so³

Je² cho⁴ta⁴tsˀen⁴ cjoa⁴ˀai¹ jo³sˀin² si¹xa¹ Satanás. Cjoa⁴ˀai¹ cao⁴ nca³yi³je³ nca³nˀion¹ cao⁴ choa⁴ cao⁴ cjoa⁴xcon¹ nti³so³. Ña³qui³ chˀao³sˀin² cˀoa⁴na⁴cha⁴-le⁴ je² xi³ cha⁴jin³, nca⁴ tsi² coan³tsjoa³que³ xi³ cjoa⁴qui²xi⁴, jme¹-ni³ nca³ coi⁴tjo³ntjai²-si¹ni³.

Je³ti¹si¹xa¹ˀma³ cjoa⁴tsˀen⁴, to⁴nca³ tjin¹ xi³ vˀe¹chjoa² ntˀai⁴, jo³ sa³ˀnta³ tjo¹xin²jin³ je² xi³ ntˀai⁴ vˀe¹chjoa².