Populaarsed piiblisalmid 2 Tesalonicenses 1

Jaga

Coi³ cjoa⁴ nca³ cˀoa⁴sˀin² ti³vˀe²tsˀoai³⁴-jin⁴ nca³ntsjai² xi³ tˀa³tsaon⁴³, jme¹-ni³ nca³ cˀoa⁴sˀin² Ni³na¹ tsjoa¹-si¹ni³no³ cjoa⁴nta³ nca³ coa⁴quin²-no³ je² xa¹ xi³ qui³nchja⁴-no³. Cjai¹nca³ to⁴tse³-sa³ cjoa⁴nta³ ca²ta³tsjoa¹-le⁴ nca³yi³je³ cjoa⁴fa³ˀai³tsjen³-no³ xi³ nta³ tjin¹. Ca²ta³tsjoa¹-sa³le⁴ nca³nˀion¹ nca³yi³je³ xa¹-no³ nca³ ma³cjain¹-no³

Tjin¹-le⁴ cjoa⁴qui²xi⁴ Ni³na¹ nca³ cˀoe⁴²chji¹-le⁴ cao⁴ cjoa⁴ñˀain³ je² xi³ tjio¹tsjoa¹-no³ cjoa⁴ñˀain³. Cˀoa⁴-ti⁴ cˀoe⁴²chji¹-no³ nca³ jon² xi³ cjoa⁴ñˀain³ ti³chja³ˀao²³, nca³ si⁴²cˀe¹yo³cja¹ya³-no³ cao⁴ jin⁴-jin⁴ cˀia⁴ nca³ coan⁴tsen³ Nai³-na¹ Jesús, nca³ cjoi⁴nčhoa¹-ni³ ncˀa³jmi³ cao⁴ a²ncje⁴ xi³ va³co¹ nca³nˀion¹-le⁴.