Populaarsed piiblisalmid Matäus 7

Jaga

Froacht, un junt woat jejäft woaren. Sieekjt, un jie woaren finjen. Klopt aun, un junt woat opjemoakt woaren.

Wiels wäa doa frajcht, kjricht; un wäa doa sieekjt, finjt; un wäa aunklopt, fa däm woat opjemoakt.

Wäa miene Räd jehieet haft un deit waut ekj jesajcht hab, es soo aus een vestendja Maun, dee sien Hus opp däm Steengrunt bud.

Un wautemma see junt doonen sellen, daut doot jie an uk. Daut es waut daut Jesaz un de Profeeten lieren.

un daut Puat es enj un de Wajch es schmaul, dee toom Läwen fieet, un daut sent mau weinich, dee daut finjen.

Got derch daut enje Puat nenn. Wiels daut Puat es wiet un de Wajch es breet, dee en daut vedoawen fieet, un väle gonen dän Wajch

Wan jie dan, soo schlajcht aus jie uk sent, doch weeten june Kjinja goode Gowen to jäwen, wooväl mea woat jun Voda em Himmel, dee goode Dinja jäwen, dee am doano froagen?

Doot nich rechten, daut jie nich uk jerecht woaren. Wiels jrod doano aus jie aundre rechten, woa jie uk jerecht woaren. Un doano aus jie toomäten, woat junt toojemäten woaren.

Un wäa miene Räd hieet un nich deit, waut ekj jesajcht hab, es aus een onvestendja Maun, dee sien Hus opp däm Saunt bud.

Wuarom kjikjst du no eenen Spoon en dien Brooda sien Uag un moakjst nich dän Baulkjen en dien ieejnet Uag? Ooda woo kaust du to dien Brooda sajen: Lot mie dän Spletta ut dien Uag trakjen, wan du selfst een Baulkjen em Uag hast?

Seet junt väa fa de faulsche Profeeten, dee en Schopskjleeda no junt komen, oba ennalich sent see rietende Wilw. Jie sullen dee aun äare Frucht kjanen. Woaren Wiendruwen vom Hachelstruck ooda Fiejen von Distlen jeplocken?

Jrod soo drajcht een gooda Boom goode Frucht un een schlajchta Boom schlajchte Frucht.

Een gooda Boom kaun nich schlajchte Frucht droagen, un een schlajchta Boom kaun nich goode Frucht droagen.

Jieda Boom dee nich goode Frucht drajcht, woat aufjehakt un em Fia jeschmäten.