Populaarsed piiblisalmid Matäus 6

Jaga

Oba sieekjt daut ieeschte no Gott sien Rikj un no siene Jerajchtichkjeit. Dan woa jie daut aundre uk aula kjrieen.

Doawäajen moakt junt nich Sorjen om daut, waut morjen komen saul. Morjen woat fa sikj selfst sorjen. Jieda Dach haft fa sikj jenuach Trubbel.

Doawäajen saj ekj junt, moakt junt nich sorjen om jun Läwen, äwa waut jie äten un drinkjen sellen; uk nich om jun Kjarpa, waut jie auntrakjen sellen. Es daut Läwen nich mea aus äten, un de Kjarpa mea aus de Kjleedunk?

Oba wan du bäden deist, dan go en diene Stow un moak de Däa too un bäd to dienen Voda em Jeheemen. Un dien Voda, dee doa sitt waut em Jeheemen väajeit, woat die doafäa loonen.

Doawäajen sell jie soo bäden: Ons Voda em Himmel! Dien Nomen saul heilich jehoolen woaren. Lot dien Rikj komen. Lot dien Wellen oppe Ieed jrod soo jedonen woaren aus em Himmel.

Jeff ons daut Broot daut wie vondoag brucken.

Vejeff ons onse Schult, soo aus wie dee vejäwen, dee sikj aun ons veschulcht haben.

Brinj ons nich en Vesieekjunk, oba bewoa ons fa dän beesen. Wiels die jehieet daut Rikj un de Krauft un de Harlichkjeit fa emma un emma. Amen

Wan jie Menschen daut vejäwen, wan dee sikj jäajen junt vesindjen, woat jun himlischa Voda junt uk vejäwen.

Kjikjt no de Väajel enne Loft. Dee seien nich un arnten uk nich un saumlen nuscht en de Stalinj, un jun Voda em Himmel foodat dee doch. Sent jie nich mea wieet aus dee?

Saumelt junt nich Schaza oppe Ieed, wua Motten un Rost dee oppfräten, un de Stäla enbräakjen un dee stälen. Oba saumelt junt Schaza em Himmel, wua Motten un Rost dee nich vefräten, un de Stäla nich nogrowen un stälen. Wiels wua jun Schauz es, doa woat jun Hoat uk sennen.

Kjeena kaun twee Haren deenen. Hee woat eenen nich lieden kjennen un von dän aundren väl hoolen. Ooda hee woat aun eenen henjen un dän aundren veachten. Du kaust nich Gott deenen un daut Rikjtum.

Un wan Gott daut Graus opp de Stap, daut vondoag läft un morjen em Owen jeschmäten woat, soo kjleeden deit, wudd hee junt dan nich noch ea kjleeden? Waut hab jie doch fa eenen kjlienen Gloowen!

Oba wan du diene Gowen jefst, dan lot de linkje Haunt nich weeten, waut de rajchte deit, soo daut du em Jeheemen jefst, un dien Voda, dee en daut Jeheemnis sitt, woat die daut effentlich beloonen.

Seet junt väa, daut jie jun fromm sennen nich doaropp ver Menschen eewen, daut jie wellen jeseenen sennen, wiels dan hab jie von jun Voda em Himmel aul met kjeenen Loon to räakjnen.

Wan jie fausten, sell jie nich lange Jesechta moaken soo aus de Heichla. Dee vestalen äare Jesechta, daut Menschen seenen sellen daut see fausten. Ekj saj junt de Woarheit: Dee haben äaren Loon aul wajch. Oba wan du Fausten deist, dan wausch dien Jesecht un besorj die de Hoa, soo daut nich de Menschen, oba jun Voda em Jeheemen, dien fausten sitt. Un dien Voda, dee doa sitt, waut em Jeheemen väajeit, woat die doafäa effentlich loonen.