Populaarsed piiblisalmid Matthew 5

လူဒွေဟ မီးထွန်းရားဝို ဆီမီးအီဝို တောအော့မှာ ထားဂေ့မှာမုဘဲန အဲမိုစား အီထဲမှာရှေ့ဝို လူဒိုင်းဝို လန်းရော်ပေးဝို့တွက် တိုင်မှာခိဆွဲရားမှာဖြစ်ရယ်။ အဲမိုမျိုးဘဲ့ နန်းနို့ရဲ့လန်းရော်ဟ လူဒွေရှေ့မှာ ထွန်းလန်းနေစေရမယ်၊ အဲမှ နန်းနို့ပြုဝိုကောဝိုဇာဒွေဝို ဗြင်ပီး ရွှေဗြို့တော်မှာရှေ့နေဝို နန်းနို့ရဲ့အဖဘုရားရှင်ဝို ချီးမွှမ်းဂေ့လိမယ်" ဆိုပီး မိတော်မူလေရယ်။

နန်းနို့ဟ ဘာပေါ်ဟ လူသားဒွေတွက် လန်းရော်ဖြစ်ရယ်။ တော်ထိမှာ ရှေ့ဝို ဗြို့ဝို ဖုံးကွယ်ရိမရနိုင်ရ။

ကိုယ်၊ စိ၊ နှလုံးသုံးပါးလုံး ကြည်လင်သန့်ရှင်းစွာန သူ့ဝိုလုပ်ကျွေးပြုရှင်ဝိုသူဒွေဝို ဘုရားရှင်ဟ နှစ်သက်တော်မူရယ်။ သူ့နို့ဟ ဘုရားရှင်ဝို ဗြင်နိုင်ဂေ့လိမယ်။

ဖြော့မတ်မှန်ကန်ဝိုဇာဒွေဝို လုပ်ဆော်ဝို့ စိဆန္ဒပြင်းပြသူဒွေဝို ဘုရားရှင်ဟ ကျေနပ်နှစ်သက်စေတော်မူလိမယ်။

အယ်ဘေမဲ့ နန်းနို့ဝို ငါပြောရှင်ဇာဟလောဝါ နန်းနို့ရဲ့ ရန်သူဝိုမေတ္တာထားပီး နန့်ဝို ညှင်းပန်းနှိစစ်သူဒွေဝို ဆုတောပေးလော့။ နန်းနို့ဝို ကလီဆဲသူဒွေဝိုလဲ ကောချီးပေးပီး မူးသူဒွေဝိုလဲ ကောဝိုဇာဒွေဝိုဘဲ့ ပြုပေးဂေ့လော့။

ဘုရားရှင်ဟနေလွဲပီး အားကိုးဇာမှေ့ရဆိုပီး မှတ်ယူဝိုသူဟ ကယ်တံရှင်းဝို ခံရမယ်။ ရွှေဗြို့တော်ရဲ့သာသနာတော်ဟာ သူ့နို့တွက်ဖြစ်ရယ်။

သူများဝို ငြီးချမ်းစွာနေထိုင်နိုင်ဝို့ လုပ်ဆော်ပေးဝိုသူဒွေဝို ဘုရားရှင်ဟ နှစ်သက်တော်မူရိတွက် သူ့နို့ဝို သားမီးဒွေမျိုး သတ်မှတ်တော်မူလိမယ်။

ပြစ်ဒုဇရိုက်ဒွေန ပလဲ့နေဝို ဘာလောကဂျော့ ပူဆွေးသောက ရော့နေဝိုသူဒွေဝိုလဲ ဘုရားရှင်ဟ နှစ်သိပေးတော်မူလိမယ်။

ဘုရားရှင်ရဲ့လိုတော်ဒိုင်း လုပ်ဆော်ရိတွက် လူဒွေရဲ့နှိစစ်ညှဉ်းဆဲဇာဝို ခံရဝိုသူဒွေဝို ဘုရားရှင်ဟ နှစ်သက်တော်မူရယ်။ ရွှေဗြို့တော်ရဲ့သာသနာတော်ဟလည်း သူ့နို့တွက်ဖြစ်ရယ်။

သူများဝို နားဂရုဏာထားဝိုသူဒွေဝို ဘုရားရှင်ဟ ကျေနပ်နှစ်သက်တော်မူရိတွက် သူ့နို့ပေါ်မှာလည်း ဘုရားရှင်ဟ နားဂရုဏာထားတော်မူလိမယ်။

ငါ့တွက်ဂျော့ လူဒွေဟ နန်းနို့ဝို စော်ဂါးပြောဆိုဇာဒွေ၊ ဆိုးဝါးစွာဆစ်ဆံဂေ့ဝိုဇာဒွေန နန်းနို့ကြောဝို ကောဘဲဝိုလီလည်မှုမျိုးမျိုးန ဆန့်ကျင်ပြောဆိုဂေ့မယ်ဆိုဝါ ဘုရားရှင်ဟ နန်းနို့ဝို နှစ်သက်တော်မူလိမယ်။ အဲမျိုးဖြစ်လာခဲ့မယ်ဆိုဝါ နန်းနို့ဟ ရွှေဗြို့တော်မှာ ဆုလာဘ်ဂီးဝို ရဂေ့မှာဖြစ်ရိတွက် ရွှင်လန်းဝမ်းမြောက်ဂေ့လော့။ ရှေးခတ်ဒဲဟ လူဒွေဟ ပရောဖက်ဒွေဝို အယ်မျိုးဘဲ့ပြုလုပ်ခဲ့ဂေ့ရယ်။

ကိုယ့်ကိုကိုယ်နှိခလသူဒွေဝို ဘုရားရှင်ဟ နှစ်သက်တော်မူရိတွက် သူ့နို့ဟ ဘာမလေခုလုံးဝို မွီဆစ်ခံရရှေ့လိမယ်။

အဲနော့ ကိုယ်တော်ဟ "နန်းနို့ဟ ရသာတွက် သုံးပြုဂေ့ဝို ဆားနတူရယ်။ အယ်ဘေမဲ့ ဆားဟ ငံဓါတ်ပျော့ကွယ်ရားမယ်ဆိုဝါ နော့ထပ် ငံဓါတ်ပလန်ရစေဝို့ ဟယ်မျိုးပြုလုပ်ရမယ်နူး။ အဲမိုဆားဟ ဝွီးဝိုလွှတ်ပြစ်ဇာဝိုဘဲ့ခံရမှာဖြစ်ပြီး လူဒွေနန်းချေဇာခံရရုံဟနေလွဲပီး ဟယ်ရာတွက်မှ သုံးမဝမ်တော့ဟန်း။

နန်းနို့ရဲ့ အဖဘုရားရှင်ဟ ပြီးပလဲ့ဇုံသူဖြစ်ရိတွက်ဂျော့ နန်းနို့ဟလဲ ပြီးပလဲ့ဇုံသူဒွေဖြစ်ဂေ့ရမယ်" ဆိုပီး မိတော်မူလေရယ်။

နန်းနို့ပြောဆိုခါဒိုင်း 'ဟုတ်ရယ်၊ မုဝ' ဆိုပီးဘဲ့ ပြောဆိုဂေ့ပါ။ အဲထက်ပိုပီးပြောဆိုရယ်ဆိုဝါ မာရ်နတ်နည်းလမ်းဘဲ့ ဖြစ်ရယ်။" ဆိုပီး မိတော်မူလေရယ်။

ကိုယ်တော်ဟ 'မျစ်လုံးတစ်လုံးတွက် မျစ်လုံးတစ်လုံးပေးရမယ်။ သွားတစ်ချောတွက် သွားတစ်ချောဝိုပေးရမယ်' ဆိုပီး နန်းနို့ဝို ဆုံးမသွန်သန်ရားရယ်မုဝလော။ အယ်ဘေမဲ့ နန်းနို့ဝို ငါပြောရှင်ဇာဟလောဝါ နန်းနို့ပေါ် ပြစ်မှားသူဒွေဝို ပလန်လည် ပြစ်မှားဇာပြုန။ အဲမိုစား နန့်ညာဖက်ပါးဝို ရိုက်ရယ်ဆိုဝါ ဘယ်ဖက်ပါးဝိုပါ လှည့်ပေးလော့။

နန့်ညာဖက်မျစ်လုံးဟ နန့်ဝိုပြစ်တရားဖြစ်ပေါ် ဇေမယ်ဆိုဝါ အဲမိုမျစ်လုံးဝိုဖော့ထုပြီး ဝွီးဝိုပစ်လိုက်ပါ။ နန့်ခန္ဓာကိုယ်ခုလုံး ငရဲဝိုကလရော့ဇာထက် နန့်ခန္ဓာကိုယ်ရဲ့ မကောဘဲဝိုစိပိုင်းတခု ဆုံးရှုံးရဇာဟ ပိုကောရယ်။ နန့်ညာဖက်လက်ဟ နန့်ဝိုပြစ်တရားဖြစ်ပေါ်စေရယ်ဆိုဝါ အဲမိုလက်ဝိုဖြတ်ထုပြီး ဝွီးဝိုပစ်လိုက်ပါ။ နန့်ခန္ဓာကိုယ်ခုလုံး ငရဲဝိုကလရော့ဇာထက် နန့်ခန္ဓာကိုယ်ရဲ့ကောဘဲဝိုစိပိုင်းတခု ဆုံးရှုံးရဇာဟ ပိုကောရယ်" ဆိုပီး မိတော်မူလေရယ်။