Populaarsed piiblisalmid Matthew 4

အဲခါ ကိုယ်တော်ဟ "ကျမ်းစာထဲမှာ 'လူဟ စားဇာဒွေနဘဲ့ သက်ရှင်ဇာမုဝ။ အယ်ဘေမဲ့ လူဟ ဘုရားရှင်ရဲ့ နှုထွက် ဂါးဒိုင်းဝို လိုက်နာပီးနေထိုင်သင့်ပေရယ်' ဆိုပီး ကျမ်းစာတော်မှာ ရေးသားရားရယ်" ဆိုပီး ပလန်ဖြေလေရယ်။

အဲခါ ကိုယ်တော်ယေရှုဟ မာရ်နတ်ဝို "အသင် မာရ်နတ်၊ ထွက်ရားလော့။ ကျမ်းစာထဲမှာ 'သင်ဟ သင့်ရဲ့ဘုရားရှင်ဘားဒဲဝိုဘဲ့ ရှေ့ခိုးပူဇော်ရမယ်' ဆိုပီး ရေးသားရားရယ်" ဆိုပီး ပလန်လည်မိဆိုလေရယ်။

ကိုယ်တော်ယေရှုဟ မာရ်နတ်ဝို "ကျမ်းစာထဲမှာ 'သင်ဟဘုရားရှင်ဝို စမ်းသပ်သင့်ရ' ဆိုပီးလဲ ရေးသားရားရယ်" ဆိုပီး ပလန်လည်မိဆိုလေရယ်။

အဲနော့ မာရ်နတ်ရဲ့သွီးဆော်စမ်းသပ်ဇာဝိုခံယူဝို့တွက် ကိုယ်တော်ယေရှုဝို ညဏ်လင်းတော်ဟ တောကန္တာရထဲဝို ဦးဆော်ခေါ်ယူတော်မူလေရယ်။ ကိုယ်တော်ယေရှုဟ ရစ်ပေါလေးဆယ်လုံး နေ့ညစ်မပြတ် စာရှော်ဆုတောင်းခဲ့ရိတွက် ရားဒိုင်းဗိုက်ဆာနေလေရယ်။

အဲခါ ကိုယ်တော်ဟ သူ့နို့ဝို "ငါ့နော့ဝိုလိုက်လာဂေ့။ လူဒွေဝို ငါ့ရဲ့ဗြိတော်ဒွေဖြစ်လာစေနိုင်ဝို့ ဟဲမျိုးစုစည်းရမယ်ဆိုဇာဝို နန်းနို့ဝိုသန်ပေးမယ်" ဆိုပီး မိတော်မူလေရယ်။  သူ့နို့လဲ ငါးဖမ်းပိုက်ကွန်ဒွေဝို ထားရစ်ပီး ကိုယ်တော်နော့ဝို ချင့်ချင်းလိုက်လာဂေ့လေရယ်။

အဲခီဟနေစပီး ကိုယ်တော်ယေရှုဟ "ရွှေဗြို့တော်ရဲ့သာသနာတော်ဟ ပေါ်ထွန်းလုနီးပြီဖြစ်ရိတွက်ဂျော့ နော်ဒသံဝေဂရဂေ့ပါ" ဆိုပီး စတံဟောပြောလေရယ်။