Popular Bible Verses from Luka 3

Share

Kua uma te papatiho o nā tino uma lele, oi na papatiho ai foki ia Iehu. Ka koi tatalo ia Iehu, kae kua matala te lagi, ma te Agaga Paia kua fanaifo ki ona luga, e vē he tino o he lupe. Ma na fanaifo ai he leo mai te lagi, “Ko koe ko toku Ataliki pele, e fiafia lahi au kia te koe.”

Oi na lea atu ai ia Ioane kia te kilātou uma, “E kō papatihoa koutou i te vai, kae e hau he tino e hili atu lele ia i lo au, ma e hē aogā au ke tatala e au ona hēvae. Ka ia papatihoa koutou i te Agaga Paia ma te afi.

Fai nā mea ke iloa ai ko koutou kua halamō i autou agahala. Ma ia koutou nahe kāmata oi lea kia te koutou lava ko Apelaamo he tupuna e o koutou. E lea atu au kia te koutou, e mafai e te Atua oi fakaliu tino nā fatu iēnei, ke fai ma lāpuna o Apelaamo.

E pa foki lava ki te taimi nei, ko te toki kua hāuni ke ta ki lalo nā lākau i nā aka; ko nā lākau uma e hē fua mai ai ni fua lelei, e ta ki lalo ma togi ki te afi.”

E vē oi tūhia i te tuhi o nā kupu a te pelofeta ko Ihaia: “Ko te leo o he tino e taukalaga i te vao; ‘Hāuni te auala o te Aliki; fakahakohako ona ala! Ko vanu uma ka fakatūtumu, ko mauga uma ma maugaiti ka fakalaugatahi. Ko nā mea e takapikopiko ka fakahakohako, ma nā koga kopikopia ka fakalaulelei; ma ko te fakaolataga a te Atua ka kitea e tagata uma.’ ”