Populaarsed piiblisalmid Mateo 6

Jaga

Rumali, chiya iwib' che i utz laj U'atb'al tzij i Dios aj Chikaj; chiya iwib' chu'ankil wach kraj Ire; te'uri Ire kuya ni chiwe wach taq i rajwaxik chiwe.

Mixk'achir rumal i rajwaxik chiwe chweq, man chweq xaq lik o ni u'ijlal i k'achirik. Are chixk'achir che i wo'or, man ronojel taq ij lik o ni uk'axk'ol rok'am loq.

Rumali, mixk'achir che i k'aslemal, wach i kitijo, wach i kitu'u; xaq mixk'achir che i'u', wach i kikojo re ch'uqb'al re iwij. ¿Xatab'a mas nti u'ij k'aslemal chwach i wa? Xaq i ch'akulaj, ¿chwach i k'ul?

Yet, are katlapan ru' i Dios, chatok b'i pa ja xaq chatz'apij uchija. Te'uri chatlapan ru' Aqajaw chi krilo wach i ka'an ani'al, Ire tupu nti xilawik, lik kuya ni utz pawi.

Yix, keje iri chi'ana che i lapanik ru' i Dios: Qaqajaw chi at o chikaj, choksax u'ij i lo'laj ab'i. Chpet ni a'atb'al tzij pqawi. Cha'ana ni urayijb'al ak'ux waral chwach i jyub' ta'aj, pacha ka'an chila chikaj.

Chaya ni lejom wa re trigo chqe man lik rajwaxik chqe.

Chakuyu ni qamak chi qa'anom, man xaq yoj qakuyum ni kimak ni'pa i je makunnaq chqij.

Maya chqe kojtzaq chupam i tzaqsab'al, lik chojawesaj pu'ab' Itzel.

Man yix, we ikuyum kimak i jub'an chi ki'anom kimak chiwe, xaq Iqajaw chila chikaj kukuy ni imak yix

Chich'ob'o ut wach kki'an i tz'ikin chi kerupup pa tew. Ike, nti kkitiko, xaq nti kkimolo, xaq nti kkik'ol puk'olb'al re. Xwiri are Iqajaw yix chi o chikaj keutzuqu. ¡I yix lik mas ne nim ni i'ij chkiwach ike.

Mik'iyarsaj i b'eyomal waral chwach i jyub' ta'aj, man xa kpok'arik, kpusirik, xaq kkel-aj ili'omab' chiwe. Are i chi'ana, chimolo uchi' i b'eyomal chila chikaj, man chila, kpok'ar taj, xaq kpusir taj, xaq ke'ok ti ili'om ru' kkel-aj tu b'i chiwe. Chik'olo ib'eyomal chila chikaj, man ipa ik'olom wi ib'eyomal, chila uri, o wi ukub'ib'al ik'ux.

Mijun ktiki che we je o keb' rajaw kchakun ku'. Man xa jun k'ax kuna'o, i jun chik tzel krilo. Xa jun, utz u'anik uchak ku'an ru'; i jun chik, qas ti utz uchak ku'an ru', we kiya iwib' chu'ankil uchak i Dios, xaq kiya iwib' chu'ankil chak re i b'eyomal, lik kixtiki ti che.

Keje ku'an i Dios ile che i kotz'ij pa taq es, chi xa keb' oxib' ij kk'asi'ik: Wo'or k'aslik, i chweq kk'atsax pa a'. We i Dios kuya uchomal u'u' i ral kotz'ij ¿Xatab'a kuya ti uri iwe yix? Lik mas ne kuya'o. ¡Xwiri yix xa nti ukub'ib'al ik'ux che i Dios!

Yix, are keito i nib'a'ib', chi'ana che chi mijun reta'am wach i'anom, xaq mitene i iwachalal. Ani'al chi'ana; te'uri Iqajaw yix chi xrilo wach xi'ano ani'al, kuya ni utz piwi chi are isipon.

We o taq i utz ki'ano, kojb'al re u'ij i Dios, mi'an ile chkiwach i winaq we xa kiwaj kixkilo. We keje ki'an ile, nti kich'ak ni uri ru' i Ta chikaj.

Yix, are kiwo'taj i wa'im kiyab'ej re iwib' chutz'onoxik che i Dios. Are ki'an ile, mi'an che ipalaj chi kb'isonik pacha kki'an i winaq chi keb' kipalaj, man ike kki'an ile, xa rumal kkaj ke'iltaj kumal i winaq chi kkitij uyej rumal utz'onoxik che i Dios. Lik kinsaqij, chi ru' ile ya xkich'ak utojb'alil. Xwiri, yix, are kiwo'taj i wa'im chutz'onoxik che i Dios, chich'aja ipalaj, chiyijb'a iwib' xaq chikojo kunb'al muy pija', man kkil ti winaq chi amayim wa'im rumal utz'onoxik che i Dios. Lik xwi Aqajaw Dios chi lik o awu', krilo wach kattijin chu'anik; ire kuya ni rajil uk'exel chawe.