Populaarsed piiblisalmid Mateo 5

Jaga

Xaq iweta'am, we jun kutzij jun kantil, kumin ti chuxe' jun kajon; utz taj we kruwaj. Are i ku'ano, kuya an chikaj pa ja, man konojel ketzun ni rumal. Xaq keje ile chi'ana yix, chi ix pacha utzunb'al a' waral chwach i jyub' ta'aj, chiya che itzunb'al k-e chkiwach i winaq. Keje ile kkil na wach taq i utz ki'an yix. Konojel kkikoj ni u'ij Iwajwal chi o chikaj.

Yix ix keje pacha utzunb'al a' waral chwach i jyub' ta'aj. Iwilom ut wach u'onom jun tinimit we o tzam jyub'; lik alaj, ruwam ti rib'.

Utz ke ike chi lik ch'am pkik'ux, man ike kkil ni uwach i Dios.

Utz ke ike chi lik kkaj u'anik i suk'ulik chwach i Dios, man ire ku'an na pacha kkaj ike, xaq lik kunojsaj ni kik'ux.

Xwiri, Yin kinb'ij ni usuk' chiwe: K'ax cheina i je ajch'oj chiwij; chitz'onoj i utz pkiwi i jub'an chi kixkiterb'ej re kamsab'al iwe.

Utz ke ike chi keta'am chi o rajwaxik kkitzukuj i Dios pkik'ux, man ke'ok ni uri Pu'atb'al tzij i Dios aj Chikaj.

Utz ke ike chi kkikoch'ij kib' chutzukuxik i utz olem, man “je wak'al” kub'ij ni Dios chke.

Utz ke ike chi ke'o' rumal kib'is, man i Dios kukub'saj ni kik'ux.

Utz ke ike chi k-an k'ax chke rumal u'anik i suk'ulik chwach i Dios, man ke'ok ni uri Pu'atb'al tzij i Dios aj Chikaj.

Utz ke ike chi o uk'axnab'al kik'ux chke i jub'an chik, man i Dios xaq lik k'ax keuna ike.

Utz iwe yix are k'ax kech'aw ni winaq chiwe wumal yin. Utz iwe yix we kixkiyo'ya, xaq we kkib'ij i t'oronik chiwij xa rumal kixterej chwij. Mixb'isonik, lik chixkikotoq man kya' ni uri jun nim laj sipon chila chikaj. Chk'un chik'ux chi xaq keje xki'an ile chke i je profeta chiwijil yix.

Utz ke ike chi kki'an ti nim che kib', man kya' ni jyub' ta'aj chke chi usujum i Dios.

Yix ut lik kixajwax chke i winaq waral chwach i jyub' ta'aj, ix keje pacha i atz'am; xwiri i atz'am we xsach ujelal, ¿Wach uyijb'axik chik uri ujelal k-anik? Ntaj. Ile kuriq ti chik uchak; xa kk'aq b'ik; to' kya'yax chik kumal i winaq.

Yix, lik chisuk'b'a i k'aslemal, pacha ku'an Iqajaw chi o chikaj, chi lik suk'ul ni'pa i ku'ano.

Xwi rajwaxik kib'ij: “Are, lik are”; “are taj, lik are taj”. We o mas tzij kib'ij puwi ile, xa ru' Itzel petnaq wi.

Xaq itom yix chi i ujer atb'al tzij kub'ij: “We o jun upuch'um ab'a'wach yet, xaq kpuch' ni jun ub'a'wach ire uri; xaq we ub'oqom jun aware, xaq ire kb'oq ni jun uware uri.” Keje ile kub'ij i u'atb'al tzij i mam Moisés. Xwiri, Yin kinb'ij ni usuk' chiwe: Mitzalij uwach che, wach ku'an chiwe. Are i chi'ana, we o jun katuch'ay che juperaj apalaj, chaya i juperaj chik che.

Rumali, kinb'ij i tziji chiwe: We xa rumal i kawilo katmakunik, lik utz chawesaj ab'a'wach i chak'aqa b'i k'a naj. Mas utz ke'eloq we xa are ab'a'wach kasacho, chwach we ronojel ach'akul k-e pa a' ronojel ij saq. We xaq are a'ab' wiqab'im k-anaw chawe katmakunik, chak'atzij xaq chak'aqa b'i k'a naj. Utz ke'eloq we xa are a'ab' kasacho, chwach we ronojel ach'akul k-e pa a' ronojel ij saq.