Populaarsed piiblisalmid Mateo 7

Jaga

“Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Ɔsika ukyuli biala ɔni muuvele Katɔti ala ni, ɔdubute-nwu. Na ukyuli biala ɔni mɔɔwia ni, ɔɔkɛ́. Na ukyuli biala ɔni muubó Katɔti kegbuta kɔnu ni, ɔɔlɛmi teete-nwu.

“Anwuɔsu ni, ukyuli ɔni muunú mina etemila amɛni na ɔɔdi-nya lɛlɔ ni, ɔdi ɔnundane. Use aani ukyuli ɔni nátu nwuna ɔtɔ na lɛtakpɛ lɛlɔ.

Ala ani na aayɔ́ ka bekyuli bamba babla bete-ɔ ni, bla-nya te ama lɛnɔ lɛni kani. Ɔmɛni ndi Mose ɔda bubo ku Katɔti kenye bediene ala ani bátina kalɔ budie.

Nsu kayakun kani ulu ntɛ késela ngba bɔni nsɔ naaadubo bɔsa kudii kemmo ni, kese blii suɛ. Na ulu ɔni ntɛ úsela mmɔ uudé busie. Na bani mɔɔnu ulu ɔmmɔ beeemomo.

“Bɛsia kayakun kani nse blii suɛ mmɔ biduo. Ɔsika si bɛ́sia kayakun kani nábɛbɛ na akɛ ulu ɔni nse buɛɛ lɛlɔ ni, adubuduo lɛgyavonku kemmo. Na nwuna lɛlɔ na bekyuli pii bakɛ.

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

“Bitatɛku bekyuli litemi kalɛ na Katɔti lɛnɔ ulatɛku-mii litemi. Ɔsika Katɔti ɔdubɔtɛku-mii litemi aani kalɛ kani na amii lɛnɔ bɛɛtɛku bekyuli litemi. Na ulu ɔni lɛlɔ bɛ́sia bɛ́tɛku-ma litemi ni, ulu ɔmmɔ kani lɛlɔ na ɔdubɔsia ɔtɛku amii lɛnɔ litemi.

Nsu ukyuli ɔni muunú mina etemila na uládi-nya lɛlɔ ni, ɔdi ɔdɔlɔdi. Use aani ukyuli ɔni nátu nwuna ɔtɔ na kɔnwinimi lɛlɔ.

“Anwuɔsu ni, tanu alakpi ani nkya ƒula ɔnwani anumi. Mmomu ka ligyuku lɛni nkya-a anumi bɔnu asa. Tasu ƒula ɔnwani anii, ‘Ya na lidie-ɔ alakpi lɛnumi’ na uwi ɔni na ligyuku lɛkya awɔ ɔlati lɛnumi.

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti. Bana udu na bɛdubuti bɛti-ma. Lɛnyɛ kɔbuli kulánwu atoo. Na liyu kugyii kulánwu kɔyaka ebi.

Kugyii kɔni nédie evete kaduɛ ni, kɔɔnwu ebi abuni. Na kugyii kɔni nátakana evete budie ni, kɔɔnwu ebi ekpidi.

Kugyii kɔbuni kulánwu ebi ekpidi, na kugyii kukpidi kulánwu ebi abuni.

Kugyii kɔdi biala na kulánwu ebi abuni ni, baadá-ku na beeti-ku taakya ogya.