Anders As EkMuestra

Daar is min mense wat so sleg ingepas het in die Jode se verwysingsraamwerk van ‘n mede- gelowige, as ‘n ontmande Etiopiër. Nie net is hy van ‘n ander ras, kultuur, godsdiens en land nie, maar hy was uitdruklik deur die wet verbied om deel van die Here se gemeente te wees, volgens Deut. 23: 1. 

En tog gebeur dit dat die Heilige Gees self vir Filippus stuur om saam met hom te reis. In die proses besef Filippus dat hierdie man besig is om ‘n mede-gelowige te word. Hy bestudeer saam met hom God se woord en wanneer die tyd kom, doop hy die Etiopiër. En daarmee saam word hulle deel van dieselfde familie — van dieselfde gemeente van die Here.

God maak ons deel van een huisgesin. Hy stel ons bloot aan mense wat anders as ons is. Hy gee ons geleenthede om ‘n deel van die pad saam met ander te stap. 

• Wie bring God oor jou pad?