Levítico 19

Israel runakunapaq aska leykuna

1Mastapis Moisésta Tayta Dios nirqan: 2<<Israel runakunata niy: <Noqa Tayta Diosniki santumi kaykä. Qamkunapis santu kayay.#Lev. 11.44-45; Mat. 5.48; 1Ped. 1.16.

3<< <Mamaykita taytaykita respitayanki.#Éxo. 20.12; Deut. 5.16.

<< <Jamay junaqkunacho respitamar jamayanki.#Éxo. 20.8; Deut. 5.12. Noqami Tayta Diosniki kaykä.

4<< <Ima ïdulukunamanpis ama yärakuyankisu. Metalpita fundiypa ima ïdulukunatapis ama rurayankisu.#Éxo. 20.23; 34.17; Deut. 7.25. Noqami Tayta Diosniki kaykä.

5<< <Jawka kawakuy sacrificiupaq uywakunata pishtarqa noqapa shonqüpaqtano rurayanki. 6Jawka kawakuy sacrificiupaq pishtayashqayki uywapa aysanta say junaqla mikuyanki. Pusuptin imaptinqa waray junaqpis mikuyanki. Ishkay junaqchöpis say aysata mana usharqa kimsa kaq junaqchöqa rupasiyanki. 7Kimsa junaqchöqa say aysa asyarishqami kanqa. Rupasinaykipa trukan mikuptikiqa say sacrificiu rurashqayki manami välinqanasu. 8Say aysaqa noqapaq sagrädumi kaykan. Saymi say asyarish aysata pipis mikurqa sagrädu kaqta respitaykansu. Say aysata mikuq kaqtaqa Israel runakunapita qarquyanki.

9<< <Cosëchata shuntarqa chakra kuchunyaq ama shuntayankisu. Shikwashqantapis ama palapiyankisu. 10Üvatapis ashi ashirkurqa ama palayankisu. Shikwaqkunatapis ama shuntayankisu. Saykunata kachaykuyanki muchuqkuna y qamkunacho taq jäpa runakuna shuntakuyänanpaq.#Lev. 23.22; Deut. 24.19-22. Noqami Tayta Diosniki kaykä.

11<< <Ama suwakuyankisu.#Éxo. 20.15; Deut. 5.19. Ama lulakuyankisu. Ama pitapis sakyayankisu.#Éxo. 20.16; Deut. 5.20.

12<< <Imatapis noqapa jutïcho promitirqa mana qonqaypa cumpliyanki.#Éxo. 20.7; Deut. 5.11; Mat. 5.33. Mana cumpliyashpaykiqa manami respitaykäyämankisu. Noqami Tayta Dios kaykä.

13<< <Runa mayikita ama engañayankisu ni imantapis apakuyankisu.#Deut. 24.14-15. Minkaynikitapis say junaqla pägayanki.

14<< <Upakunata ama maldicionayankisu ni qapra purikunanmanpis imatapis ama churapäyankisu.#Deut. 27.18. Sayno rurayashqaykipa trukanqa noqata mansapakayämay. Noqami Tayta Dios kaykä.

15<< <Autoridä kayashpayki lapantapis shumaq juzgayanki. Muchuqtapis rïcutapis mana jananpaylapa arreglayanki.#Éxo. 23.6-8; Deut. 16.19.

16<< <Pipa washantapis ama rimayankisu.

<< <Runa mayikita wanusiyänanpaq ama manakaqkunata tumpayankisu. Noqami Tayta Dios kaykä.

17<< <Pitapis ama chikiyankisu.

<< <Runa mayiki imatapis lutanta ruraptinqa anyapäyanki.#Mat. 18.15. Mana anyaparqa qamkunapis jusayuqmi rikakuyanki.

18<< <Runa mayikita ama vengayankisu ni nanaparäyankisu. Saypa trukanqa kikikikuna kuyakuyashqaykino runa mayikita kuyayanki.#Mat. 19.19; 22.39; Mar. 12.31; Luc. 10.27; Rom. 13.9; Gál. 5.14; Stg. 2.8. Noqami Tayta Dios kaykä.

19<< <Lapan leynïkunata shumaq cäsukuyanki. Uywaykikunata say casta uywalawan malwasiyanki. Chakraykiman takuy muruta ama muruyankisu. Ishkay casta jïluwan awash mödanata#19.19 Tayta Dios manami munarqansu lïnuwan milwa awash mödanata Israel runakuna lutala jatikuyänanta. Sayno awash tëlaqa Tinkuna Tolduta qatananpaq y cürakuna jatikuyänalanpaqmi kayarqan. Saypita masta musyanaykipaq liyinki Éxo. 26.1, 31, 36; 28.5; Deut. 22.11. ama jatikuyankisu.

20<< <Ashmay jipash majasakänanpaq awnish kaykaptin pipis say jipashwan punuptinqa ishkanmi castigash kayanqa. Isanqa say ashmay jipash libri yarqunanpaq pipis manaraq pägash kaptin castigarpis manami mayqantapis wanusiyanmansu. 21Saypa trukanqa consagrasina sacrificiupaq jipashwan punuq runa juk carnita Tinkuna Toldu patiuman apamunqa. 22Say carnita pishtar altarcho rupasirmi say runa perdonash kananpaq Tayta Diosta cüra manakunqa. Saynöpami jusalikushqanpita perdonash kanqa.

23<< <Qoykunäpaq kaq nacionman chäyashpayki plantayashqayki jachakunapa wayuyninta kimsa wata ama mikuyankisu. 24Chusku wata kaqchöqa Tayta Diosta agradëcikur lapan wayushqanta paypaq apayämunki. 25Pisqa kaq watachömi isanqa wayuyninta mikuyanki. Sayno rurayaptikiraqmi plantayashqayki frütakuna mas wayuyanqa. Noqami Tayta Diosniki kaykä.

26<< <Ima aysatapis yawartashtaqa ama mikuyankisu.#Gén. 9.4; Lev. 7.26-27; 17.10-14; Deut. 12.16, 23; 15.23.

<< <Qamkunacho ama pipis kanqasu rikakuqkuna ni brüjukunapis.#Deut. 18.10.

27<< <Aqsaykikunata rutukurqa imaypis rutukuyashqaykinöla rutukuyanki. Uma pukshulaykicho kachaylapaqa ama rutukuyankisu. Shapraykikunataqa puntalantapis ama rutukuyankisu.

28<< <Pipis wanuptin lakikuyashpayki ama cuerpuykikunata kusukuyankisu. Qaraykiman tatuäjitapis ama rurasiyankisu.#Lev. 21.5; Deut. 14.1. Noqami Tayta Dios kaykä.

29<< <Warmi surikikunata prostitüta kayänanpaq ama kachapäyankisu. Kachapäyaptikiqa taykäyashqayki nacioncho runakuna pasaypami jusalikuyman churakäyanqa.#Deut. 23.17.

30<< <Jamay junaqkunata respitayanki. Sagrädu Toldutapis respitayanki.#Lev. 26.2. Noqami Tayta Dios kaykä.

31<< <Brüjukunaman ni rikakuqkunaman ama aywayankisu.#Deut. 18.11; 1Sam. 28.3; 2Rey. 23.4; Isa. 8.19. Paykunaman aywarqa pasaypa jusayuqmi rikakuyanki. Noqami Tayta Diosniki kaykä.

32<< <Awkinkunata respitayanki. Paykunata respitarqa noqatami mansapakaykäyämanki. Noqami Tayta Dios kaykä.

33<< <Qamkunacho taq jäpa runakunata ama nakasiyankisu. 34Kikikikunapura ali rikanakuyashqaykinöla paykunatapis ali rikayanki. Yarpäyay qamkunapis Egiptucho jäpa kayashqaykita.#Éxo. 22.21; Deut. 24.17-18; 27.19. Noqami Tayta Diosniki kaykä.

35<< <Metruykiwanpis pësaykiwanpis ni ima tupuykiwanpis ama pitapis engañayankisu. 36Balanzaykipis pësaykipis y metruykipis mana pishiq kanqa.#Deut. 25.13-16; Prov. 20.10; Eze. 45.10; Amós 8.5; Miq. 6.11. Egiptupita jorqayämushuqniki Tayta Diosnikimi kaykä.

37<< <Lapan nishqäkunata y lapan leynïkunata cumpliyay. Noqami Tayta Dios kaykä> >>.

Actualmente seleccionado:

Levítico 19: qvhB

Destacar

Copiar

Comparar