Mga Salmo 138
138
Pag-ampo sa Pagpasalamat#ANG ULOHAN SA HEBREO: Salmo ni David.
1Nagpasalamat ako kanimo, O Ginoo, sa tibuok kong kasingkasing;
mag-awit akog mga pagdayeg kanimo atubangan sa mga dios.
2Moyukbo ako atubangan sa balaan mong Templo ug magdayeg sa imong ngalan
tungod sa gugma mong walay paglubad ug sa imong pagkamatinud-anon;
kay gipahimutang mo labaw sa tanang butang
ang imong ngalan ug ang imong pulong.#138:2 tanang butang…pulong: Sa Hebreo, imong gibayaw ang imong sugo labaw kay sa imong ngalan.
3Sa dihang gisangpit ko ikaw gitubag mo ako
ug gidugangan mo ang akong kalig-on.
4Ang tanang hari sa kalibotan magdayeg kanimo, O Ginoo,
kay nadungog nila ang mga pulong gikan sa imong baba.
5Mag-awit sila sa mga buhat sa Ginoo
ug sa iyang dakong himaya.
6Kay bisag halangdon ka kaayo, O Ginoo,
gitagad mo ang mga timawa;
dili makalikay kanimo ang mga mapahitas-on.
7Bisan anaa ako taliwala sa kalisdanan,
gipanalipdan mo ako;
gisanta mo ang kapungot sa akong mga kaaway
ug giluwas mo ako pinaagi sa imong gahom.
8Tumanon mo ang tanan nga gisaad mo kanako;
ang imong gugma, O Ginoo, molungtad hangtod sa kahangtoran.
Ayaw talikdi ang imong mga gibuhat.
Actualmente seleccionado:
Mga Salmo 138: RCPV
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 1999 Philippine Bible Society
