Zac 13
13
Ri kich'ajch'ojirisanen ri winaqi' aj-Israel
1Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'. 2Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu. 3Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.
4Y xtibek'uluwachitej chi konojel ri e q'alajirisanela' xa kan xkek'ix k'a chi xtikiq'alajirisaj ri xk'utumej chikiwech, y man jun bey chik xtikikusaj sale'y retal chi e q'alajirisanela', y nikitz'uk-tzij chikiwech ri winaqi'. 5Xa xtikibij k'a chi xa e samajela' pa juyu'. Xtikibij chi k'a e ak'uala' na toq kichapon-pe ri samaj ri'. 6Y wi k'o ta jun nik'utun chike ri achike roma sokotajineq chukojol ruwi' taq kiq'a', rije' xtikibij chi e sokotajineq koma ri kachibil, ncha' ri Dios.
Ri yuq'unel richin ri Jehová xtikisok
7Ri Jehová nubij: Kayakatej k'a rat, espada,
kayakatej richin nakamisaj ri nuyuq'unel y wachibil.
Richin keri' xketalutej ri karne'l.
Y yin chuqa' xkiyakatej chikij ri taq karne'l ri'.
8Xtibanatej k'a chi ka'i' chire ri oxi' kan xkenk'is.
Jak'a ri jun chire ri oxi' kan xkek'ase' kan.
9Y ri xkek'ase' kan, xkenq'axaj pa q'aq',
achi'el toq niya'erisex ri saqipueq.
Xkentejtobej k'a achi'el nitejtobex ri q'anapueq.
K'ari' rije' xtikik'utuj to'onik chuwe,
y yin kan xkenwak'axaj.
Y chupan ri q'ij ri', xtinbij chike: Nutinamit yin,
y rije' xtikibij chuwe: Qa-Dios roj.
Actualmente seleccionado:
Zac 13: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
