Sal 20
20
Ch'owen pa ruwi' ri ch'akonik*f18*
1Ja ri Jehová xtak'axan awichin chupan ri q'ij richin bis;
kan ja ri ru-Dios ri Jacob ri xtikolon awichin.
2Kan k'a chupan k'a ri rachoch xtuteq-pe to'onik chawe,
y k'a chiri' pa Sión xtuya-pe ri k'atzinel chawe.
3Kan xtoqaqa ta k'a chuk'u'x ri asipanik ri aya'on chire
y ruk'awoman ta k'a ri poron chikop ri asujun chuwech.
4Kan xtuya' ta k'a chawe ri rurayibel ri awánima.
Kan xtuben ta k'a chi xtik'achoj ronojel ri ach'obon richin naben.
5Toq rat xkach'akon chikij ri e etzelanel awichin, roj kan xqojkikot k'a,
kan pa rubi' k'a ri Dios xtiqatzeqej chikaj ri tzieq retal ch'akonik.
Ri Jehová xtuk'uluba' ta k'a pe ronojel ri xak'utuj chire.
6Wakami xinwetamaj, chi ri Jehová kan nuya-wi ch'akonik chire ri rucha'on rija';
kan k'a chila' chikaj xtuk'uluba-pe ri ruch'abel,
rik'in ri nimalej ruchuq'a' xtukol.
7Ek'o ri xa rik'in ri ki-carruaje richin oyowal ri nikikuquba' kik'u'x;
ch'aqa' chik nikikuquba' kik'u'x rik'in ri kikiej;
jak'a roj kan kuqul qak'u'x rik'in ri Jehová ri qa-Dios.
8Rije' xa nik'is ri kuchuq'a' y yetzaq,
jak'a roj kan jantape' oj pa'el.
9¡Jehová, tabana' utzil taya' ch'akonik chire ri rey!
¡Kan qojawak'axaj k'a ri q'ij toq xkatqoyoj!
Actualmente seleccionado:
Sal 20: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
