Sal 17
17
Ch'owen rik'in ri Dios richin jun ri choj ruk'aslen*f14*
1Jehová, rat atz'eton chi yin maneq numak,
tawak'axaj k'a ri nuch'abel.
Tabana' utzil tawak'axaj ri nuch'owen,
roma re' kan man richin ta q'oloj.
2Tabana' utzil, taq'alajirisaj-pe ri ruchojmilal pa nuwi',
tatz'eta' ri rubeyal ri nuk'aslen.
3Rat kan atzuliben k'a ri wánima chi paq'ij chi chaq'a'.
Kan in atejtoben y man jun itzel awilon chuwij,
roma yin kan nubin chi kan man jun etzelal ri xtinbij.
4Yin man xtinben ta achi'el ri nikiben ri ch'aqa' chik winaqi',
ri nubanobal kan achi'el k'a ri nubij ri ach'abel,
kan nuch'aron k'a wi' chire ri kibey ri e banoy taq etzelal.
5Kan nutzeqeliben ri abey,
roma ri' kan man yitzaq ta.
6Nu-Dios, yin yich'on-q'anej awik'in, roma kan yinawak'axaj.
Nink'utuj utzil chawe chi jantape' ta xtawak'axaj ri nuch'abel.
7Tak'utu' k'a ri nimalej ajoyowanik.
Tak'utu' chi rat kan ye'akol-wi ri nikito-ki' awik'in,
kan ye'akol chuwech ri e etzelanel kichin.
8Kinachajij k'a achi'el nachajij ri runaq' taq awech;
kinakuchu' chuxe' ri amujal rat.
9Kinawewaj chikiwech ri yetz'ilo wichin,
chikiwech ri e etzelanel wichin ri kan nikajo' yinkikamisaj.
10Re winaqi' re' kan man jun chik joyowanik kik'in,
kan nikibananej k'a toq yech'on.
11Rije' kan in kitzeqeliben y kan kisutin-wij;
in kitzuliben richin yinkitzeq.
12Rije' e achi'el jun koj ri royoben richin k'o niqaqa pa ruq'a',
chuqa' achi'el ri alaj koj ri rewan-ri' richin niq'eleben.
13¡Jehová, kayakatej! ¡tapaba-awi' chikiwech!
Rik'in ri akamisabal kinakolo' chikiwech ri e banoy taq etzelal.
14Rik'in ri aq'a' kinakolo' chikiwech re winaqi' re';
ri xa rik'in re ruwach'ulew kikuquban kik'u'x,
ri xa rik'in re k'aslen chuwech re ruwach'ulew yekikot-wi;
ri kan nikinojisaj ri kipan rik'in ri abeyomel rat;
rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.
15Jak'a yin kan xtikuqer nuk'u'x toq xtinbentz'eta' awech;
kan xtikuqer nuk'u'x toq xkik'astej chik q'anej awik'in rat.
Actualmente seleccionado:
Sal 17: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
