Mal 1
1
Ri rajowabal ri Jehová pa kiwi' ri winaqi' aj-Judá
1Ri Jehová xuya' jun rutzijol chuwe yin Malaquías, y xubij chi kere' tinbij chike ri aj-Israel: 2Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'. 3Man xincha' ta ri Esaú, roma ri' xinben chire ri rulew chi man xwachin ta chik; y ri rujuyu' xok tz'iran ruwach'ulew richin xok kan kichin ri k'uxunela' taq chikopi'. 4Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'. 5Keri', rix ri ix aj-Israel xtitz'et y xtibij: Kan nim wi ruq'ij ri Jehová, ri kan napon más chire ri ruk'ulba't ri qaruwach'ulew, yixcha'.
Ri Jehová yeruch'olij ri sacerdote
6K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij! 7Roma rix ye'isujula' kaxlan-wey ri xa man ch'ajch'oj ta pa ruwi' ri nuporobal; y man rik'in ri' nik'utuj ri achike k'a itzel ri ibanon chuwe. Jak'a yin ninbij chiwe chi ja ri man iya'on ta rejqalen ri porobel ri k'o pa wachoch. 8¿Kan utz kami chi ye'isuj chinuwech yin Jehová ri in k'iytisanel richin ronojel, chikopi' ri xa e moyi', e jetz', o jun ti chikop yawa'? Tisuju' na k'a jun chikop kere' chire ri q'atoy-tzij. ¿Niqa' kami chuwech rija' ri chikop ri'? 9Tik'utuj k'a utzil chuwe yin Jehová ri in k'iytisanel richin ronojel chi tinjoyowaj iwech. Jak'a wi rix ye'isuj ri chikopi' ri' chinuwech yin, man tiwoyobej chi yin nink'ul chiwech rik'in kikoten. 10K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech. 11Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj. 12Jak'a rix niben chuwe chi man jun wejqalen roma man niqa' ta chiwech ri nuporobal, y chuqa' ri k'o pa ruwi'. 13Chuqa' kan xik'o yan ik'u'x y kan niben ipalej chinuwech. Y pa ruwi' ri', xa iweleq'an-pe, xa jetz', o xa chikop yawa' ri nik'en-pe richin nisuj chuwe. Jak'a yin kan man nink'ul ta chiwech ronojel re'. 14Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.
Actualmente seleccionado:
Mal 1: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
