MAT 1
1
येशु ख्रिस्तद जन्म — 1:1—2:23
येशु ख्रिस्तद वंशावळ
1अब्राहाम कोडकु दाविद राजान कोडकु यवाड येशु ख्रिस्त वानदी वंशावळ. 2अब्राहामकेल इसहाक आय्या, इसहाककी याकोब, याकोबकेल यहूदाड इंगा वान तम्मुळ्ळु आय्यीर. 3यहूदानकी पेरेस इंगा जेरह आय्यीर इंगा तामारदी वार आम्मा उंड्या, पेरेसकेल हेस्त्रोन, हेस्रोनकी अराम आय्या. 4अरामकी अम्मिनादाब, अम्मिनादाबकी नहशोन, नहशोनकी सलमोन,#रुथ 4:19-20. 5सलमोनकी बवाज आय्या इंगा राहाब वान आम्मा उंड्या, बवाजकी ओबेद आय्या इंगा रुथदी वान आम्मा उंड्या, ओबेदकी इशाय आय्या.
6इंगा इशायानकी दाविद राजा आय्या. उरियान वडती तीकेल दाविदकी शलमोन आय्या.#2 शमुवेल 12:24. 7शलमोनकी रहबाम, रहबामकी अबीयाड, अबीयानकी आसाड आय्या. 8आसानकी यहोशाफाट, यहोशाफाटकी योराम इंगा योरामकी उज्जीयाड, 9उज्जीयानकी योथाम, योथामकी आहाज, आहाजकी हिज्कीयाड, 10हिज्कीयानकी मनश्शे, मनश्शेनकी आमोन, आमोनकी योशियाड आय्या, 11बंदी बनाय मतकेन बाबेल देशलोंग येका फोयेताप्पुड योशियानकी यखन्याड इंगा वान तम्मुळ्ळु आय्यीर, योशियाड यखन्यान इंगा वान तम्मुळ्ळा ताता उंड्या. #यिर्मया 27:20.
12बाबेल देशलोंग फोयनेंका यखन्यानकी शल्तीएल आय्या, शल्तीएलकी जरुब्बाबेल आय्या. 13जरुब्बाबेलकी अबीहुद, अबीहुदकी एल्याकीम, एल्याकीमकी अज्जुर आय्या. 14अज्जुरकी सादोक, सादोककी याखीम, याखीमकी एलिहुद आय्या. 15एलिहुदान की एलाजार आय्या. एलाजारकी मत्तान, मत्तानकी याकोब, 16याकोबकी योसेफ आय्या; यवाड मरीयादान मोगुड उंड्या. मरीया दानकी येशुड फुट्या यवान ख्रिस्त#1:16 ख्रिस्त यवानदी अभिषेक आयनाद वान ख्रिस्त आंटार आंटार. 17इल्ला अब्राहामकेल दाविद नंताक आन्नी कुडी चौदा पिढील, दावीदान देगाटेल बाबेल देशलोंग बंदी बनाय मतकेन फोई नंताक चौदा पिढील इंगा बाबेल देशलोंग फोयीनगाला ख्रिस्तान नंताक चौदा पिढील.
येशु ख्रिस्तद जन्म
18येशु ख्रिस्तद जन्म इल्ला आय्या; वान आम्मा मरीया दानदी इड्याम योसेफ जताक आयनेद उंड्या, पण वारदी फेंडली कावा काना मुंची आदी पवित्र आत्मा शक्तीता रंजलमनशी आयनेद कमशा. 19मरीयादान मोगुड योसेफ यवाड नितीमान उंड्या, इंगा वानकी मंदीला दानदी बदनामी शेशेद लेकुंड्या, आंका वाड दोंगातारला दान जताक आयनेद इड्याम तेम्पेद निर्णय तिस्कुन्या. 20पण यप्पुड वाड इ माटला विचारलाने उंड्या, सुडना वान कलाला स्वर्गदुत दर्शन इच्ची वान आन्या; दावीदान कोडका, “योसेफा, नु मरीयादान नी वडती आंका स्वीकार शेशेदेंक यरस्कुनाक, येनटीक की या बिडा दान कडपुला उंडाड वाड पवित्र आत्मा शक्तीता उंडाड. 21आदी मोगाबिडाक जन्म इच्ची इंगा नु वानदी फेर येशु#1:21 येशु प्रभुड वाचाय मतताड/तारणहार फेट, येनटीक की, वाड वान मंदीद वार पापलाकेल तारण शेशी.” 22इदी आंता दिनिचांग आय्या की, परमेश्वर येशुन जन्म बद्दल यशया संदेष्टान तीकेल जे शप्पीन्या आदी पुर्ण कावाला, आदी इल्ला की,#यशया 7:14.
23“सुडना वगा कुंवारी आनबिडा रंजलमनशी आय्यी इंगा मोगाबिडाक जन्म इच्ची,
इंगा वानकी इम्मानुएल फेर इच्यार.” इ फेरदी अर्थ, “मा जताक परमेश्वर.”
24आप्पुड निद्दारलेल लेशीनेंका स्वर्गदुत आज्ञा इच्चीने लेका योसेफ शेशा, इंगा वाड मरीयादान वडती आंका स्वीकार शेशी इल्लुक यकोच्या. 25पण बिडाद जन्म आय्यी नंताक वाड दान देगार फोलेद; इंगा वाड वान फेर येशु फेट्या.
Actualmente seleccionado:
MAT 1: WNT
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
