लुका परिचय
परिचय
आउ अप्चाउ खबर तुबु लुका हैयादाज्याउ अर्मिवइ अप्सरसिउ। हो वासो बिसो जैज्याउ अर्मि ले। (कलस्सि ४:१४) होसोनो पावल#1:0 पावल पावलचाहिं येसुइ बार्हजना ओचेलार मध्येलाउ म्हा।वइ घनिस्थ उरिजा जास्द पावललाइ सहयोग दासिउ ले। लुकावइ आउ अप्चाउ खबर वाज म्हाक सारो करारलाउ प्रेरितराइ याएन् हैयादाज्याउ पुस्तक ब अप्सर्केउ। (लुका १:१-४ प्रेरित १:१-२) पावल प्रचार दान्याको लागि ग्रिस सोनो तर्किल नेफे सोंफे यात्रा ओदोक लुका ब ओल्स ज हिंके। रोमल हिंन्या पावलवइ अन्तिम ओयात्राक लुका ब ओल्स ले (प्रेरित २७:१-२)। रोमल कलेस्द पावल कैदि रुपल उरुसिउ छिंङि लुकाइ पावलवइ ओसेवा दोकेउ (२ तिमोथि ४:११)। लुका यहुदि जातलाउ माजास्द, गुँ जातलाउ अर्मि ओजासो कारनवइ आउ अप्चाउ खबर बिसेस दाद गुँ जातलाउ अर्मिराइ सजिलोस बुझैदुन्या जैद अप्सर्दनौ। लुकावइ आउ अप्चाउ खबर अप्सर्न्या भन्दा बरिदि ज मर्कुसलाउ अप्चाउ खबर अप्सर्सिउ ले।
होकारनवइ मर्कुसलाउ अप्चाउ खबरल अप्सर्सिउ भ्या अस्पाँर लुकावइ अप्चाउ ओखबरल लोतैद यानौ। मर्कुसवइ अप्सर्सिउ अस्पाँ बाहेक, गुँ अस्पाँ ब रैद लुकावइ आउ अप्चाउ खबर अप्सरकेउ। आल मत्तिलाउ अप्चाउ खबरल अप्सर्सिउ तुबुनेस अस्पाँर ब झासिउ लिज्या। लुका तुबु वासो बिसो जैन्या वा माजास्द पक्का इतिहासकार ब ले। गुँ भ्या ऐतिहासिक पुस्तकर सोनो बैग्यानिक अनुसन्धानङि एकदम् प्रमानित दाद ले। येसु ख्रिस्तवइ अप्चाउ ओखबर अर्मिराइ कल्पना दासिउ स्यालोको म्हाक। धसाकाउ तुबु ऐतिहासिक अस्पाँ चि। लुकावइ आउ अप्चाउ ओखबर कदिउ साल्ल ओप्सरो हैलेन्या अस्पाँ अप्चाद सैंसिउ माले। बाइबललाउ भ्या बिद्धानराइ लुकावइ अप्चाउ खबर इस्बि सम्बत् ६५-७० साल्ल अप्सर्सिउ ले हैलेद बिचार दाज्यार। गुँ पुस्तकर हो भन्दा छिंङि अप्सर्सिउ हैलेन्या सम्झिज्यार।
आउ पुस्तकल अप्सरसिउ अस्पाँर
परिचय १:१-४
बप्तिस्मा याज्याउ युहन्ना सोनो येसु जर्मिद आलुजा ओलेउ बेलाकाउ समय १:५—२:५२
बप्तिस्मा याज्याउ युहन्नाइ ओसेवाकार्य ३:१-२०
येसुइ ओबप्तिस्मा सोनो उपरिछ्या ३:२१—४:१३
गालिल्ल येसुइ ओसेवाकार्य ४:१४—९:५०
गालिलकिं यरुसलेम सम ९:५१—१९:२७
यरुसलेमल अन्तिम साता १९:२८—२३:५६
येसु सिउङि जिंदो ओजासो छिंङि रैंद स्वर्ग त हिंके २४:१-५३
Actualmente seleccionado:
लुका परिचय: MAIK
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2024 (Active), Mother Tongue Translators Society and Wycliffe Bible Translators, Inc. All rights reserved.