زبُور 98
98
دَ سِتایشِ قضاوَت کُنِندِه دُنیا
زبُور
1بَلدِه خُداوند سرُودِ نَو بِخانِید،
چراکه کارای عجِیب انجام دَده.
دِستِ راست و بازُوی مُقَدَّس شی اُو ره پیروز کده.#۹۸:۱ کلِمِه عِبرانی که دَ اِینجی «پیروز» معنیٰ شُده «نِجات» ام معنیٰ شُده مِیتنه.
2خُداوند نِجات خُو ره اِعلان کده،
و عدالت خُو ره دَ پیشِ چِیمِ مِلَّت ها بَرمَلا کده.
3اُو رَحمت و وفاداری خُو ره
بَلدِه خانَوارِ اِسرائیل یادآوَری کده؛
پگِ گوشه های زمی نِجاتِ خُدای مو ره دِیده.
4اَی تمامِ زمی، بَلدِه خُداوند آوازِ خوشی بُر کُنِید.
چِیغ بِزنِید، خوشی کُنِید و سرُود بِخانِید.
5بَلدِه خُداوند قد بَربط سرُود بِخانِید،
قد بَربط و آوازِ ساز ها.
6قد شیپُور ها و آوازِ سُرنَی#۹۸:۶ دَ جای «سُرنَی» دَ زِبونِ عِبرانی «شاخِ قُوچ» نوِشته یَه که دَ اُو زمان مِثلِ یگ آلِه مُوسِیقی اِستِفاده مُوشُد.
دَ حُضُورِ خُداوند، پادشاهِ مو آوازِ خوشی بُر کُنِید.
7بیل که دریا و ھر چِیزی که دَ مَنِه ازُو اَسته، دَ جوش-و-خروش بییه،
دُنیا و باشِنده های شی ام.
8بیل که دریاچه ها چَک-چَک کنه
و کوه ها یگجای سرُودِ خوشی بِخانه؛
9 سرُودِ خوشی دَ حُضُورِ خُداوند،
چراکه اُو بَلدِه قضاوَتِ زمی مییه.
اُو دُنیا ره قد عدالت
و قَوم ها ره قد اِنصاف قضاوَت مُونه.
Actualmente seleccionado:
زبُور 98: HAZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
