زبُور 121
121
خُداوند نِگاهوان و مَدَدگار اَسته
سرُودِ باله رفتو دَ اورُشَلیم.
1چِیمای خُو ره سُون کوه ھا مُونُم؛
کومَک مه از کُجا مییه؟
2کومَک مه از طرفِ خُداوند مییه
که آسمو و زمی ره خَلق کد.
3اُو نَمیله که پای تُو بِلَخشه؛
اُو که نِگاهوان تُو اَسته، خاو ره دَ چِیم خُو راه نَمِیدیه.
4اَرے، اُو که نِگاهوانِ اِسرائیل اَسته
خاو ره دَ چِیم خُو راه نَمِیدیه و خاو نَموره.
5خُداوند نِگاهوان تُو اَسته.
خُداوند دَ دِستِ راست تُو قرار دَره و تُو دَ سایِه ازُو اَستی.
6آفتَو دَ غَیتِ روز تُو ره اَذیَت نَمُونه؛
و نَه ام ماهتَو دَ غَیتِ شاو.
7خُداوند تُو ره از ھر بَلا-و-بَدی نِگاه مُونه؛
اُو نِگاهوانِ جان تُو اَسته.
8خُداوند دَ بُر شُدو و پس اَمَدون تُو، تُو ره نِگاه مُونه،
آلی و تا اَبَد.
Actualmente seleccionado:
زبُور 121: HAZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
