JOB 41
41
1Tisung sahrang Leviathan#Leviathan hi tisartam, a si lole Tipithuanthum sung Rulhreng ti duhnak a si, tiin an zum. Zohṭhim ding: Saam (74:14; 104:26; Isa 27:1). cu sio in
na awk thei ding maw?
A lei cu hridai in na khit thei
ding maw?
2A hnar vit in hri na thluah thei
ding maw?
Siopi in a khabe na dawttlang
thei ding maw?
3‘I thlah hram aw,’ a lo ti
ding maw?
Zaangfah a lo dil ding mawsi?
4Nangmah thawn lungkimnak tuah in
Kumkhua lo rian dingah thu a lo
kam ding maw?
5Na hnenum nunau pawl ih zoh
nuam ah,
Na innzuat vate bangin na khit
thei ding maw?
6A sa zuar duh ah ngakaitu pawl
an neep-aw rero ding maw?
Sumtuah pawl in zuar dingah a sa
an can ding maw?
7A vun cu feipi in na dawttlang
thei ding maw?
A lu cu hridai thluah mi fei in
na sun thei ding maw?
8Na kut in hun dai hnik;
Nan sual aw nasa ding;
Neh hnuah na ti ngam nawn zik lo.
9Leviathan cu an hmuh meen hmanah
An ṭih tuk ih leilung ah an ril.
10A ai a thawh cun ṭihnungza
ngaingai a si;
A hmai ih ding ngamtu zohman
an um lo ding.
11Leviathan a do ih a him thei
an um pei maw?
Lei tlunah zohman an um lo ding.
12Leviathan ih kebeu tha le,
a thahrum cahzia thuhla sim loin
ka um meen thei lo.
13Zohman in a hrukmi a korleng cu
an hlit thei lo ding;
A thir angki khal an suntlang
thei lo ding.
14Zoso a khabe a bauh thei ding:
ṭihnungza a hatian pawl thawn?
15A zaangtluan ih kep cu ralphaw
tampi thuah bangin,
An thuah aw ṭhepṭhep ih
lungto vekin a hak.
16Pakhat le pakhat an peh awknak
a pit tuk ih,
Thli hman a lut thei lo ding.
17Hnget tukin an peh-aw ih
Zianghman in a dircat thei lo ding.
18A hahthio tikah tleunak a suak
zohzo;
A mit cu zingpit nisuak bangin
a tle.
19A kaa sungin mei alh an suak
zohzo ih,
Meici tla an ṭek hluahhlo.
20A hnar sung in meikhu a suak;
A tlok hluahhlo mi beel hnuai ih
hrampi kang khu bangin.
21A thaw in meisa a alhter ih
A kaa sungin meivam a suak.
22A hngawng cu a cah tukah,
A tongtu hmuahhmuah in an ṭih.
23A vun nemnak zawn khui hmanah
a um lo,
Thir vekin a hak ih a kiak thei
ding rual a si lo.
24A thinlung cu lungto vekin
a ruh ih ṭih a nei lo;
A hakmi le a kuai thei lomi
fang rialnak lungto vek a si.
25A hung thawh tikah a cak bik#A cak bik timi hi milai ti duhnak khal a si thei, khuavang ti duhnak khal a si thei, tiah an zum.
pawl hman in an ṭih;
Thinphang in an lung a hlo ṭheh.
26A hlen theitu ralnam a um lo;
A sun pem theitu fei le thal
zianghman a um lo.
27A hrangah thir cu fangkung ro
vek a si;
Dar cu thing rop vek a si.
28Conkiang hman in a dawitlanter
thei lo;
Lungto ih deen khalle a hrangah
hramro vek a si.
29Talhtum cu a hrangah phaipheng
kung vek a si;
Feipi in an khawh tik khalah
a hnihsan meen.
30A pum vun cu hlamphei hriam
a bang.
A feh phah ah a ciarmi leilung cu
leilet bangin a hrutbal ṭheh.
31Ukang sung tiso bangin
tifinriat cu a soter;
Siti beel liam bangin tipi cu
a liamter.
32A feh tikah a dunglam ih tidai
cu a tleu zurzo;
Tifinriat cu a phuulter ih
tibuanra ah a canter ṭheh.
33Leilung tlunah amah thawn
ṭhim ding an um lo;
ṭihnak zianghman nei lo
ramsa a si.
34A puarthau bik ramsa pawl hman
ziangah a siar lo;
Hramlak ramsa hmuahhmuah ih
siangpahrang a si.
Actualmente seleccionado:
JOB 41: FCL
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Falam Bible Revision © Bible Society of Myanmar, 2002.
