মথি 1
1
গিত্তেল যীশু খ্রীষ্টনি মা·চং
1যীশু খ্রীষ্ট দায়ূদনি মা·চংনি আরো দায়ূদ অব্রাহামনি মা·চংনি মান্দি। যীশু খ্রীষ্টনি মা·চংনি মান্দিরাং ইয়ান:
2অব্রাহামনি দেফান্থি ইস্হাক; ইস্হাকনি দেফান্থি যাকোব; যাকোবনি দেফান্থি যিহূদা আরো বিনি জংগিবারাং; 3যিহূদানি দেফান্থি পেরস আরো সেরহ-বিসংনি মা·গিবা হং·জক তামর; পেরসনি দেফান্থি হিষ্রোণ; হিষ্রোণনি দেফান্থি রাম; 4রামনি দেফান্থি অম্মীনাদব; অম্মীনাদবনি দেফান্থি নহশোন; নহশোননি দেফান্থি সল্মোন; 5সল্মোননি দেফান্থি বোয়স-বিনি মা·গিবা হং·জক রাহব; বোয়সনি দেফান্থি ওবেদ-বিনি মা·গিবা হং·জক রূত; ওবেদনি দেফান্থি যিশয়; 6যিশয়নি দেফান্থি রাজা দায়ূদ।
দায়ূদনি দেফান্থি শলোমন-বিনি মা·গিবা হং·জক ঊরিয়নি রান্দি জিকগিবা; 7শলোমননি দেফান্থি রহবিয়াম; রহবিয়ামনি দেফান্থি অবিয়; অবিয়নি দেফান্থি আসা; 8আসানি দেফান্থি যিহোশাফট; যিহোশাফটনি দেফান্থি যোরাম; যোরামনি দেফান্থি ঊষিয়; 9ঊষিয়নি দেফান্থি যোথম; যোথমনি দেফান্থি আহস; আহসনি দেফান্থি হিষ্কিয়; 10হিষ্কিয়নি দেফান্থি মনঃশি; মনঃশিনি দেফান্থি আমোন; আমোননি দেফান্থি যোশিয়; 11যোশিয়নি দেফান্থি যিকনিয় আরো বিনি জংগিবারাং-বাবিল হা·সংচা ইস্রায়েল জাতরাংখো রি·ম্মে রা·আংমিত্তিংও ইয়ারাং দংআমিং।
12যিকনিয়নি দেফান্থি শল্টিয়েল-ইস্রায়েল জাতরাংখো বাবিল সংজিলমাচা রি·ম্মে রা·আংআনি জা·মানো বিয়া আৎচিয়ামিং; শল্টিয়েলনি দেফান্থি সরুব্বাবিল; 13সরুব্বাবিলনি দেফান্থি অবিহূদ; অবিহূদনি দেফান্থি ইলিয়াকিম; ইলিয়াকিমনি দেফান্থি আসোর; 14আসোরনি দেফান্থি সাদোক; সাদোকনি দেফান্থি আখীম; আখীমনি দেফান্থি ইলিহূদ; 15ইলিহূদনি দেফান্থি ইলিয়াসর; ইলিয়াসরনি দেফান্থি মত্তন; মত্তননি দেফান্থি যাকোব; যাকোবনি দেফান্থি যোষেফ- বিয়া মরিয়মনি সেগিবা। 16ইয়া মরিয়মনি অক্কো যীশু আৎচিয়ামিং, জেখো খ্রীষ্ট মিংআ।
17ইন্দাকে অব্রাহামওনি দায়ূদওনা দিপ্পাৎ চাসং চি·ব্রি; দায়ূদওনি বাবিলচা রি·ম্মে রা·আংআনি সময়ওনা দিপ্পাৎ চাসং চি·ব্রি; বাবিলো রি·য়াংআওনি খ্রীষ্টওনা দিপ্পাৎ চাসং চি·ব্রি।
গিত্তেল যীশু খ্রীষ্টনি আৎচিয়া
18যীশু খ্রীষ্ট ইন্দাকে আৎচিয়ামিং। যোষেফমুং যীশুনি মা·গিবা মরিয়মনি বিয়া থিক হং·আমিং, ইন্দিবা বিসং আপসান দংনা স্খাংআন গিসিক রংথালগিবানি বিলচা মরিয়ম হা·ন্নোগ্মাং হং·আমিং। 19মরিয়মনি সেগিবা যোষেফ থরমি মান্দিমিং, ইন্দিবা বিয়া মরিয়মখো মান্দিরাংনি মিকখাংও খ্রাচা·এতনা হাম·জাজক; ইনি গিম্মিন বিয়া সিউল দাক্কে বিখো ওয়াতনা চানচিজক।
20যোষেফ ইরাংখো চানচিমিত্তিংও গিত্তেলনি সা·গ্রে জুমাংচা বিনা মিকখাং ফা·এ আগানজক, ‘‘ও দায়ূদনি দেফান্থি যোষেফ, মরিয়মখো খিমনা দা·আ খেন্নাবো, মুয়ানা বিনি অক্কো খেগিবা, গিসিক রংথালগিবানি বিলচান হং·আ। বিনি সাকসা দেফান্থি হং·নুয়া। 21না·আ বিনি বিমুংখো যীশু মিংবো, মুয়ানা বিয়া আন·থাংনি মান্দিরাংখো বিসংনি পাপরাংনিখো জক্কেৎনুয়া।’’
22ইরাং হং·আমিং জেদাক্কে আগানসোগিবানি আগানগিবা গিত্তেলনি ইয়া খাৎথা চু·সকা: 23‘‘মি·থ্রা সাকসা অক্কো খেনুয়া, বিয়া সাকসা দেফান্থিখো বা·নুয়া, বিনি বিমুংখো ইম্মানূয়েল মিংনুয়া।’’ জেখো ফি·ওদে, চিংমুং ইসল, হং·আ।
24গিত্তেলনি সা·গ্রে যোষেফখো জেদাক্কে গি·য়েতামিং, থুয়ানি চাখাত্তে বিয়া উয়ানদাক্কেন দাকজক। 25বিয়া মরিয়মখো খিমজক, ইন্দিবা দেফান্থি আৎচিখুজানা দিপ্পাৎ বিমুং আপসান হং·জাজক। জা·মানো যোষেফ দেফান্থিগিবানি বিমুংখো যীশু মিংজক।
Actualmente seleccionado:
মথি 1: GLNT
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
This translation was published by The Bangladesh Bible Society in 2004 © BBS 2004.
