Mattayo 5
5
1Akamawona matorano akakwea na katuwi, akaikaa si, waanalosha wakwe wakamzia:
2Akajughua itumbu lakwe, akawalosha ekiteta,
3Wetasiwa wakiwa wa ngoro; amu wo ni ufumwa wa wanga.
4Wetasiwa weshiniwa; amu wenedindijwa.
5Wetasiwa wahuji; amu wenemahodja masanga.
6Wetasiwa wenye nzaa na ngiru hena ngalo; amu weneighuta.
7Wetasiwa wenye lusario; amu wenewona lusario.
8Wetasiwa weokie wezerie ngoroni; amu wenembona Izuwa.
9Wetasiwa wakanyi; amu weneitangwa waana wa Izuwa.
10Wetasiwa wekinywa hena lwa ngalo; amu ufumwa wa wanga ni wawo.
11Mutasiwa unywi weneikawamurighe, na weneikawamukinye, na weneikawamutetie kiteto chose kiwiwi hena maongo, hena lwangu.
12Izihirweni, munoniwe: amu wuzuri wenyu wengi wanga, amu huwo wewakinye waroti weokie kuwoka kwenyu.
13Unywi ni munyu wa masanga; kake kwakicha munyu watesha sororo yakwe, unegerwaze sororo? Touwewowa pia, nde kutaghwa shighati, uwatwe ni wandu.
14Unywi ni kiangaji cha masanga: kiongo tekiidima kuwiswa kioho wanga ya nduwi:
15Nete tewefuta taa nesa igerwe si ya kizembe, kake wanga ya kindu cha taa, na kiwaangaja wose weoho nyumbeni.
16Kiangaji chenyu kiangaje huwu msongorana wa wandu, wawone mihiro yenyu yedi, wamwisise Waweo wenyu eoho wanga.
17Musighambe ti nizie kunyamara wuchili na waroti: sizie kunyamara, nde kufisha.
18Amu kididi namburra, Mtano wanga na si jineiting’o nete i mwe nete ti mwe ya wuchili teiiting’o, mtano jose jineikajifike.
19Amu ii ula enelibaa limwe la maaghanyo ama mtano madongo, na enelosha wandu huwu, eneitangwa mdongo ghati ya ufumwa wa wanga: kake ula enemaareha na enemalosha, niye eneitangwa mbaha ghati ya ufumwa wa wanga.
20Amu namburra, Isioke ngalo yenyu yakela ngalo ya watami na Wafarisayo, tomuneingia ghati ya ufumwa wa wanga.
21Mwasikia ti kitetiwe ni wandu wa kae, Usikome, na ula ekoma yambe wuchili:
22Kake mi namburra, Ose egurwa ni oro hena mundwawo huwo, inembe wuchili; na ose enemburra mundwawo, Raka, inembe sunedrim; na ose eghamba, Utomode, inembe jehannum ya moto.
23Huwo ukiete itasi lako mtano na kisiko, na uko ukikumbuka ti mundwenyu ena kiteto wanga yako;
24Lishigha itasi lako msongorana wa kisiko, utonge uarehiane ini na mundwenyu, ikuade uhunduke utase itasi lako.
25Uarehiane na mzo wako hena usaro, ukioka naye nzieni, ti mzo wako asikuete hena mchili, nete mchili asikuingije hena asikari, nete usigerwe kichungoni.
26Kididi nakuwurra, Tounefuma kula, mtano uneikauihe pesa ya kuidiwa.
27Mwasikia ti kitetiwe, Usishinde;
28Kake mi namburra, Ose emyoa mundumche mtano kumlangwa, aidiwa kushinda naye ngoroni hakwe.
29Kwakicha ijiso lako la kuume lakushishirra, uling’ole, ulitaghe hae: u keba irungo imwe lako linyamarike, nete muri wako wose usitaghwe ghati ya jehannum.
30Na kwakicha mkono wako wa kuume wakushishirra, uuchwe, uutaghe hae: u keba irungo imwe lako linyamarike, nete muri wako wose usitaghwe ghati ya jehannum.
31Itetiwe, Mundu emshigha mche wakwe, amwinge khati ya kushigha:
32Kake mi namburra, Mundu emshigha mche wakwe, nde hena kushinda, amwosha mshindi; naye emuha eshighiwe ashinda.
33Mwasikiawa ti itetiwe nawo wa kae, Usikubae kurara kwako, kake umfishie Mzuri kurara kwako:
34Kake mi namburra, Usirare pia, nete hena wanga, amu nicho kichumbi cha Izuwa;
35Nete hena si, amu niho handu ha mawato makwe; nete hena Yerusalemi, amu nicho kiongo chakwe mfumwa mbaha.
36Nete usirare hena mtwi wako, amu touidima kukuarehia lujui lumwe nete lujewa nete lujiru.
37Kiteto chenyu kioke, Ee, ee; Hai, hai: amu vila vikela ivi vyafuma ha mbiwi.
38Mwasikia ti itetiwe, Ijiso hena ijiso, na ijegho hena ijegho.
39Kake mi namburra, Musilelane na mawiwi, kake mundu ekikubigha isaa la kuume, umgharushijie na la keri.
40Na mundu ekundie kukulinganya auhe kanzu yako, umshighie na joho.
41Na mundu ekundie kukurongoja lototo lumwe, utonge naye lwa keri.
42Ekuomba ose, mwinge; naye ekundie kukuhakua usigharuke hakwe.
43Mwasikia ti itetiwe, Mkunde walatia wako, msue maring’a mako.
44Kake mi namburra, Wakundeni maring’a menyu, waombieni wala wemurisha wukiwa;
45Nesa muoke waana wa Waweo wenyu eoho wanga; amu earehe zano yakwe iwaangaja wawiwi na wedi, ewainga mvua wenye ngalo na wesina ngalo.
46Amu kwakicha muwakunda wala wemkundie unywi, muna wuzuri ani? Mtano wauhi lushango teweketa huwu?
47Na unywi mukiwakezia wandwenyu tiki, mwaneta kini? Mtano wandu wa Mbare teweketa huwu?
48Amu ii unywi munesheneta, sandu Waweo wenyu eoho wanga esheneta.
Actualmente seleccionado:
Mattayo 5: TAVETA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
