Malakiy 4
4
Smdaling Ba ka Ali Utux Tmninun
1Rmengo ka Utux Tmninun Mdoi Kana Supi: “Qtai! Smdaling ka ali kiya, maha mntena so rqeda puniq gisu srana, kana psparu ba ma qmneepah naqah we mptena so lupi mugi psqmaun ali ciida, ani pusu ma ciida we uxe mptngari ani kingal. 2Kiya de, dseediq miicu ngayan mu we, mptuura ka hido msderux noda, ledax na we niqan beyax moda pkmalu mnarux. Mpsbrako namu mqqaras mntena wawa dapa gaga tibu. 3Mpqeeqah namu seediq naqah. Meeniq ali pndungus mu ciida, maha mntena so bengux dxeral meeniq toma papak namu ka dheya. Rnengo Utux Tmninun Mdoi Kana Supi ka nii.
4Lnglungi bale ka gaya Moseh tnqliyan mu. Kiya ka kari pndakar ma gaya bneku pnosa mu kari wada mu sbege dseediq Israel meeniq dgiyaq Xoreb hiya.
5Qtai! Tgberah ini eyah ka ali paru ba ma sklwiun Utux Tmninun han we, mpskagul ku Eliyah mpgeela kari mosa yamu hiya. 6Mpbrinah lhebun tama mpquri laqi ma, mpquri tama ka lhebun lqlaqi ka heya, so uxe meeyah dxeral nii ka sniyus mu.”
Actualmente seleccionado:
Malakiy 4: Stgdaya
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Bible Society in Taiwan, 2020
© 台灣聖經公會版權所有，2020
