Yuunusa 4
4
Tikkere Yuunusa e yurmeende Joomiraaɗo
1Nde Yuunusa yi'unoo Joomiraaɗo accitii ko wi'unoo ɗuum fu, tikki sanne. 2O waɗi du'aare to Joomiraaɗo, o wi'i:
— Yaa Joomiraaɗo, wanaa kanjum mbi'unoomi gilla mi dillaay leydi am naa? Ɗum waɗi ndoggirmi Tarsis law. Sabo miɗo anndi wo a Laamɗo keewɗo moƴƴere e yurmeende, a jom munyal, keewɗo njinngu, a accitoowo nelude halkere. 3Ndelle, miɗo ŋaare ittu yonki am, sabo maayde ina ɓurani kam wuurude!
4Ndeen Joomiraaɗo ƴami mo:
— Yalla ɗum hewtii ko tikkaa naa?
5Caggal ɗuum, Yuunusa wurtii jooɗowii lettugal huɓeere ndeen. Ɗoon o darni tenndeere, o jooɗii ley ɗowki mayre. O heɗi faa o ndaara ko hewtotoo huɓeere ndeen. 6Ndeen, Laamɗo Joomiraaɗo waɗi leggel cukkungel fuɗi ɗoon. Ngel suddiri hoore Yuunusa ɗowgi maggel, faa ngel ittana mo saɗɗa makko. Yuunusa heɓi seyo manngo sanne saabe lekki lanyoohi kiin. 7Ammaa jaangoore majjum, gilla puɗal naange, Laamɗo waɗi njilngu nyaami ki, de ki yoori. 8Caggal ɗuum, nde naange fuɗunoo fu, Laamɗo waɗi henndu wulndu sanne ƴuurundu lettugal wifi. Naange fiyi hoore Yuunusa faa ɓadii fekkorde.
Ndeen, o wi'i:
— Maayde ina ɓurani kam wuurude! 9Laamɗo ƴami Yuunusa wi'i:
— Yalla, ina dagii ɓernaa saabe ko hewtii lekki lanyoohi ɗum naa?
— Ayyoo! Yuunusa jaabii mo.
— Miɗo tikki du faa miɗo nesa maayde! 10Joomiraaɗo wi'i mo:
— Aan le, a maati yurmeende lekki lanyoohi ki a tampanaay, a mawninaay. Ki fuɗi ki mawni ley jemmaare wootere, de jemma jokkitinɗo ki waati. 11De miin le, wanaa tilay mi yurmoo Niniwe, ngalluure mawnde ndeen naa? Inde woodi tagaaɓe ɓurɓe 120.000, ɓe cenndataa nyaamo e nano. Katin du ina woodi toon daabaaji keewɗi sanne. Yalla taa mi yurmoo ngalluure ndeen naa?
Actualmente seleccionado:
Yuunusa 4: FBF
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© SIM International 2012, 2022
