A Matye koe‑noogo 9
9
A Zeezi maaga ned sẽn ki bogre
(Mark 2.1-12, Luk 5.17-26)
1A Zeezi kẽe koom-koglg n leb n pɩʋʋg ko-kãsengã n kuil b tẽngẽ. 2B talla rao a yembr sẽn ki bogre, n gãe a gãagẽ, n wa bãmb nengẽ. A Zeezi sẽn yã bãmb tẽebo, b yeela sẽn ki-a bogrã yaa: M biiga, keng f sũuri! Fo paama f yel-wẽnã sugri. 3Gom-kãng yĩnga, tõog karen-saam-dãmb kẽer tagsa b sũyẽ tɩ rao-kãngã paoogda Wẽnnaam. 4La a Zeezi sẽn mi bãmb tagsgã yeela bãmba: Yaa bõe tɩ yãmb tar tags‑wẽns y sũyã pʋse? 5Bʋg yeelg n yaa naana n yɩɩda: «Fo paama f yel-wẽnã sugr bɩ, bɩ yik n kẽne?» 6La sẽn na n yɩlẽ tɩ Yãmb bãng tɩ Ninsaal Bi‑riblã tara noor dũni ka tɩ kõ yel‑wẽnã sugrã, bãmb yeela Ki‑bogrã yaa: «Yik n dɩk f gãagã n kuili.» 7Yẽnda yikame n kuil a yiri. 8La kʋʋngã sẽn yãnd woto, b yɛɛsame la b waooga Wẽnnaam b sẽn kõ ninsaalb pãng a woto wã yĩnga.
A Matye boolgo
(Mark 2.13-17, Luk 5.27-32)
9A Zeezi sẽn yi be n kẽng taoore, b yãnda rao a yembr sẽn boond t'a Matye t'a zĩ yaood deegr zĩigẽ. Bãmb yeela yẽnda: «Wa tũ maam.» La yẽnda yikame n tũ bãmba.
10 #
Luk 15.1,2 A Zeezi sẽn zĩ a Leevi roogẽ n dɩtẽ, yaood-dɛɛgdb ne yel-wẽn maandb waa wʋsgo, n zĩnd ne bãmb ne b karen-biisã n dɩtẽ. 11Fariizẽ-dãmbã sẽn yã rẽnda, b soka a Zeezi karen-biisã yaa: «Yaa bõe tɩ yãmb karen-saambã rɩt ne yaood-dɛɛgdb la yel-wẽn maandba?» 12A Zeezi sẽn wʋm b sokrã yeela bãmb yaa: «Ka neb nins sẽn tar laafɩ wã n baood tɩp ye, yaa bãad-dãmba. 13#Mat 12.7, Ooz 6.6Dẽ, kẽng n zãms-y koe-kãngã võore: «Mam sẽn dat yaa nimbãan-zoeere, ka maand ye.» Bala, mam ka wa tɩ bool nin-tɩrs ye, yaa yel-wẽn‑maandbã.»
Sokr no-loeer poorẽ
(Mark 2.18-22, Luk 5.33-39)
14Dẽ, a Zã karen-biisã waa a Zeezi nengẽ n sok bãmb woto: «Yaa bõe tɩ tõnd ne Fariizẽ-dãmbã loet noor tɩ yãmb karen-biisã yaool n ka loetẽ?» 15A Zeezi leoka bãmb yaa: Dẽ yĩnga pʋg-paal sɩd tũud-n-taas tõe n maana sũ-sãang wakat ning a sẽn ket n be bãmb sʋk bɩ? Day n wat tɩ b na n yiis pʋg-paalã sɩd n bas-ba. Dẽ bãmb na yaool n loe noore. 16Ned ka be sẽn na n dɩk peen-paalg n lisg fu-kʋdg ye. Bala, peen-paalgã na n yõbgame n kɩt tɩ fu-kʋdgã kẽeg n yɩɩg pĩnda. 17Ned ka be sẽn na n sui reezẽ rã-paalg ko-wao-kʋdẽ ye. Sã n ka rẽ, ko-waoosã na pusi, tɩ rãamã raage, la ko-waoosã na n yɩɩ bõne. B tog n suii reezẽ rã-paalg ko-wao-paals pʋse. Woto, rãamã ne ko‑waoosã fãa kõn sãam ye.
Pag sẽn sɩɩs a Zeezi fuugu la bi-pugl vʋʋgre
(Mark 5.21-43, Luk 8.40-56)
18A Zeezi sẽn ket n gomd ne bãmb a woto, naab a yembr waa n wõgemda bãmb taoor n yeele: Mam bi-pugl n ki moas-moasã. Wa-y n tik-y yẽnda ne y nugu, la a na n vʋʋgame. 19A Zeezi yika ne b karen-biisã n tũ yẽnda.
20La gese, pag a yembr bãag sẽn tar t'a zɩɩm daagd hal yʋʋm piig la a yiib waa a Zeezi poorẽ n sɩɩs bãmb fuugã noore. 21Bala, a yeela a sũurẽ: «Mam sã n tõog n sɩɩs bãmb fuugã bala, m na n paama laafɩ.» 22A Zeezi sẽn wẽnemd n yãnd pagã, b yeel-a lame: «M biiga, keng f sũuri! Fo tẽeb n maag foom.» La pʋg-kãng paama maagr wakat-kãng bala.
23La a Zeezi sẽn ta naabã yir n yãnd wɩ-pɛɛbdbã ne neb kʋʋngã sẽn maand bʋrgã, bãmb yeel-b lame: 24«Yi-y tɩ bi-puglã ka ki ye, a gõeeme.» La nebã yaala a Zeezi. 25La b sẽn yiis nebã n sɛ, a Zeezi kẽeme n gãd bi-puglã nugu, la a yikame. 26Bõn-kãng kibar saaga tẽngã fãa.
Zoens a yiib nin pugsame
27A Zeezi sẽn yit zĩ-kãnga, zoens a yiib pʋgla bãmb n kelemdẽ n yetẽ: «Davɩɩd Bi-ribla, zoe-y tõnd nimbãanega!» 28A Zeezi sẽn ta yiri, zoensã kolga bãmba, la a Zeezi sok-b lame: «Yãmb tẽedame tɩ mam tõe n maana bõn-kãnga?» La b leokame: «N-yẽe Zu-soaba.» 29Dẽ a Zeezi sɩɩsa zoensã ninã n yeele: Bɩ a yɩ ne yãmb a wa yãmb sẽn tẽedã. 30La b ninã pukame. La a Zeezi keooga bãmb neer n yeel-b tɩ b gũus tɩ ned da wa bãng yõwã ye. 31La bãmb sẽn looge, b moona a Zeezi yʋʋrã tẽn-kãng zĩigã fãa.
A Zeezi kɩtame tɩ muk gome
32La bãmb sẽn wa n loogdẽ wã, b talla muk zĩn sẽn tar n wa a Zeezi nengẽ. 33La a Zeezi sẽn dig zĩnã, mukã gomame. La neb kʋʋngã yɛɛsame n yeel tɩ ned nan ka yã bũmb a woto Israyɛll pʋgẽ ye. 34#Mat 10.25, 12.24, Mark 3.22, Luk 11.15La Fariizẽ-dãmbã yeelame tɩ yaa ne zĩn-dãmbã naab pãng la a Zeezi digd zĩn-dãmbã.
Nebã nimbãaneg yõka a Zeezi
35 #
Mat 4.23, Mark 1.39, Luk 4.44 A Zeezi saaga tẽn-bɛd la tẽn-bãooneg fãa n zãms nebã b karen-dotẽ, la b moon Wẽnnaam soolem koe-noogã, la b maag bãad-dãmba la koms-rãmb buud toay‑toay fãa.
36 #
Sõd 27.17, 1Rĩm 22.17, 2Kib 18.16, Eze 34.5, Mark 6.34 A Zeezi sẽn yã neb kʋʋngã, b nimbãaneg yõka bãmba. Bala, nin-kãens da yɛɛme tɩ b nensã yeege, n yaa wa
piis sẽn ka tar pe-kɩɩm ye.
37 #
Luk 10.2
Dẽ a Zeezi yeela b karen-biisã yaa: «Koodã sẽn dat tigsgã yaa wʋsgo, la tigsdbã sõor paoodame. 38Dẽ yĩnga, kos-y tigsgã soab tɩ b tʋm tʋmtʋmdb b pʋʋgẽ wã.»
Actualmente seleccionado:
A Matye koe‑noogo 9: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
A Matye koe‑noogo 9
9
A Zeezi maaga ned sẽn ki bogre
(Mark 2.1-12, Luk 5.17-26)
1A Zeezi kẽe koom-koglg n leb n pɩʋʋg ko-kãsengã n kuil b tẽngẽ. 2B talla rao a yembr sẽn ki bogre, n gãe a gãagẽ, n wa bãmb nengẽ. A Zeezi sẽn yã bãmb tẽebo, b yeela sẽn ki-a bogrã yaa: M biiga, keng f sũuri! Fo paama f yel-wẽnã sugri. 3Gom-kãng yĩnga, tõog karen-saam-dãmb kẽer tagsa b sũyẽ tɩ rao-kãngã paoogda Wẽnnaam. 4La a Zeezi sẽn mi bãmb tagsgã yeela bãmba: Yaa bõe tɩ yãmb tar tags‑wẽns y sũyã pʋse? 5Bʋg yeelg n yaa naana n yɩɩda: «Fo paama f yel-wẽnã sugr bɩ, bɩ yik n kẽne?» 6La sẽn na n yɩlẽ tɩ Yãmb bãng tɩ Ninsaal Bi‑riblã tara noor dũni ka tɩ kõ yel‑wẽnã sugrã, bãmb yeela Ki‑bogrã yaa: «Yik n dɩk f gãagã n kuili.» 7Yẽnda yikame n kuil a yiri. 8La kʋʋngã sẽn yãnd woto, b yɛɛsame la b waooga Wẽnnaam b sẽn kõ ninsaalb pãng a woto wã yĩnga.
A Matye boolgo
(Mark 2.13-17, Luk 5.27-32)
9A Zeezi sẽn yi be n kẽng taoore, b yãnda rao a yembr sẽn boond t'a Matye t'a zĩ yaood deegr zĩigẽ. Bãmb yeela yẽnda: «Wa tũ maam.» La yẽnda yikame n tũ bãmba.
10 #
Luk 15.1,2 A Zeezi sẽn zĩ a Leevi roogẽ n dɩtẽ, yaood-dɛɛgdb ne yel-wẽn maandb waa wʋsgo, n zĩnd ne bãmb ne b karen-biisã n dɩtẽ. 11Fariizẽ-dãmbã sẽn yã rẽnda, b soka a Zeezi karen-biisã yaa: «Yaa bõe tɩ yãmb karen-saambã rɩt ne yaood-dɛɛgdb la yel-wẽn maandba?» 12A Zeezi sẽn wʋm b sokrã yeela bãmb yaa: «Ka neb nins sẽn tar laafɩ wã n baood tɩp ye, yaa bãad-dãmba. 13#Mat 12.7, Ooz 6.6Dẽ, kẽng n zãms-y koe-kãngã võore: «Mam sẽn dat yaa nimbãan-zoeere, ka maand ye.» Bala, mam ka wa tɩ bool nin-tɩrs ye, yaa yel-wẽn‑maandbã.»
Sokr no-loeer poorẽ
(Mark 2.18-22, Luk 5.33-39)
14Dẽ, a Zã karen-biisã waa a Zeezi nengẽ n sok bãmb woto: «Yaa bõe tɩ tõnd ne Fariizẽ-dãmbã loet noor tɩ yãmb karen-biisã yaool n ka loetẽ?» 15A Zeezi leoka bãmb yaa: Dẽ yĩnga pʋg-paal sɩd tũud-n-taas tõe n maana sũ-sãang wakat ning a sẽn ket n be bãmb sʋk bɩ? Day n wat tɩ b na n yiis pʋg-paalã sɩd n bas-ba. Dẽ bãmb na yaool n loe noore. 16Ned ka be sẽn na n dɩk peen-paalg n lisg fu-kʋdg ye. Bala, peen-paalgã na n yõbgame n kɩt tɩ fu-kʋdgã kẽeg n yɩɩg pĩnda. 17Ned ka be sẽn na n sui reezẽ rã-paalg ko-wao-kʋdẽ ye. Sã n ka rẽ, ko-waoosã na pusi, tɩ rãamã raage, la ko-waoosã na n yɩɩ bõne. B tog n suii reezẽ rã-paalg ko-wao-paals pʋse. Woto, rãamã ne ko‑waoosã fãa kõn sãam ye.
Pag sẽn sɩɩs a Zeezi fuugu la bi-pugl vʋʋgre
(Mark 5.21-43, Luk 8.40-56)
18A Zeezi sẽn ket n gomd ne bãmb a woto, naab a yembr waa n wõgemda bãmb taoor n yeele: Mam bi-pugl n ki moas-moasã. Wa-y n tik-y yẽnda ne y nugu, la a na n vʋʋgame. 19A Zeezi yika ne b karen-biisã n tũ yẽnda.
20La gese, pag a yembr bãag sẽn tar t'a zɩɩm daagd hal yʋʋm piig la a yiib waa a Zeezi poorẽ n sɩɩs bãmb fuugã noore. 21Bala, a yeela a sũurẽ: «Mam sã n tõog n sɩɩs bãmb fuugã bala, m na n paama laafɩ.» 22A Zeezi sẽn wẽnemd n yãnd pagã, b yeel-a lame: «M biiga, keng f sũuri! Fo tẽeb n maag foom.» La pʋg-kãng paama maagr wakat-kãng bala.
23La a Zeezi sẽn ta naabã yir n yãnd wɩ-pɛɛbdbã ne neb kʋʋngã sẽn maand bʋrgã, bãmb yeel-b lame: 24«Yi-y tɩ bi-puglã ka ki ye, a gõeeme.» La nebã yaala a Zeezi. 25La b sẽn yiis nebã n sɛ, a Zeezi kẽeme n gãd bi-puglã nugu, la a yikame. 26Bõn-kãng kibar saaga tẽngã fãa.
Zoens a yiib nin pugsame
27A Zeezi sẽn yit zĩ-kãnga, zoens a yiib pʋgla bãmb n kelemdẽ n yetẽ: «Davɩɩd Bi-ribla, zoe-y tõnd nimbãanega!» 28A Zeezi sẽn ta yiri, zoensã kolga bãmba, la a Zeezi sok-b lame: «Yãmb tẽedame tɩ mam tõe n maana bõn-kãnga?» La b leokame: «N-yẽe Zu-soaba.» 29Dẽ a Zeezi sɩɩsa zoensã ninã n yeele: Bɩ a yɩ ne yãmb a wa yãmb sẽn tẽedã. 30La b ninã pukame. La a Zeezi keooga bãmb neer n yeel-b tɩ b gũus tɩ ned da wa bãng yõwã ye. 31La bãmb sẽn looge, b moona a Zeezi yʋʋrã tẽn-kãng zĩigã fãa.
A Zeezi kɩtame tɩ muk gome
32La bãmb sẽn wa n loogdẽ wã, b talla muk zĩn sẽn tar n wa a Zeezi nengẽ. 33La a Zeezi sẽn dig zĩnã, mukã gomame. La neb kʋʋngã yɛɛsame n yeel tɩ ned nan ka yã bũmb a woto Israyɛll pʋgẽ ye. 34#Mat 10.25, 12.24, Mark 3.22, Luk 11.15La Fariizẽ-dãmbã yeelame tɩ yaa ne zĩn-dãmbã naab pãng la a Zeezi digd zĩn-dãmbã.
Nebã nimbãaneg yõka a Zeezi
35 #
Mat 4.23, Mark 1.39, Luk 4.44 A Zeezi saaga tẽn-bɛd la tẽn-bãooneg fãa n zãms nebã b karen-dotẽ, la b moon Wẽnnaam soolem koe-noogã, la b maag bãad-dãmba la koms-rãmb buud toay‑toay fãa.
36 #
Sõd 27.17, 1Rĩm 22.17, 2Kib 18.16, Eze 34.5, Mark 6.34 A Zeezi sẽn yã neb kʋʋngã, b nimbãaneg yõka bãmba. Bala, nin-kãens da yɛɛme tɩ b nensã yeege, n yaa wa
piis sẽn ka tar pe-kɩɩm ye.
37 #
Luk 10.2
Dẽ a Zeezi yeela b karen-biisã yaa: «Koodã sẽn dat tigsgã yaa wʋsgo, la tigsdbã sõor paoodame. 38Dẽ yĩnga, kos-y tigsgã soab tɩ b tʋm tʋmtʋmdb b pʋʋgẽ wã.»
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.