A Matye koe‑noogo 8
8
A Zeezi maaga wãoore
(Mark 1.40-45, Luk 5.12-16)
1A Zeezi sẽn sig tãngã, kʋʋn-kãseng tũu bãmba. 2La gese, yĩng-soab a yembr n wa n wõgemd bãmb taoor n yeele: «Zu-soaba, yãmb sã n data, yãmb tõe n kɩtame tɩ mam lebg yɩlemde.» 3A Zeezi tẽega b nug n sɩɩs-a n yeele: Mam datame. Lebg yɩlemde. La tao-tao bala yĩn-gãong bãagã loog n bas-a lame t'a lebg yɩlemde. 4#Mk 14.1-32La a Zeezi yeela yẽnda yaa: Gũus f meng la f ra sak tɩ ned wʋm ye. Kẽng maan-kʋʋdã nengẽ tɩ b ges foom, la f kõ bũmb nins a Moyiis sẽn wilgã, t'a tõe n yɩ kaset b yĩnga.
Sodaas koabg naabã tʋmtʋmd yĩns maagre
(Luk 7.1-10)
5A Zeezi sẽn wa n kẽ Kapɛrnaom tẽnga, sodaas koabg naab a yembr n wa bãmb nengẽ n kos bãmb a woto: 6«Zu-soaba, mam tʋmtʋmd n ki bogr n gãe yiri, la a namsda wʋsgo.» 7A Zeezi yeela yẽnda: «M na n kẽngame n tɩ maag-a.» 8Sodaas koabg naabã leoka bãmb yaa: «Mam ka zems tɩ yãmb wa mam yir ye. Yãmb ye n gom bala, la mam tʋmtʋmdã na n paama laafɩ. 9Bala, neb n so maam, la mam me soo sodaase. Mam sã n yeel a yembr t'a kẽnge, a kẽngdame. La mam sã n yeel a to t'a wa, a watame. La mam sã n yeel m tʋmtʋmd t'a maan woto, a maandame.» 10A Zeezi sẽn wʋm woto, a linga bãmba. La b yeela neb nins sẽn tũud bãmbã yaa: Mam yeta yãmb sɩd tɩ mam nan ka yãnd tẽ-kãseng a woto ye, baa Israyɛll sʋkã. 11#Luk 13.29La mam yeta yãmb tɩ neb n na n yi yaang la taoore, n zĩnd n dɩ ne a Abrahaam arzãn soolmẽ. 12#Mat 22.13, 25.30, Luk 13.28La b na n loba soolmã kamb lik sẽn be yɩngã pʋgẽ, la yãbr ne yẽn wãbr na n zĩnda beenẽ. 13Dẽ, a Zeezi yeela sodaas koabg naabã yaa: «Kuil tɩ na n yɩɩ wa fo sẽn tẽ wã bala.» La wakat-kãng bala tʋmtʋmdã paama maagre.
A Zeezi maaga a Pɩyɛɛr deem-poaka
(Mark 1.29-34, Luk 4.38-41)
14Dẽ poore, a Zeezi kẽnga a Pɩyɛɛr yiri, la b mikame t'a reem-poakã gãee ne yĩn-wɩngre. 15La a Zeezi sɩɩsa a nugã, la a yĩn-wɩngrã sigame t'a yik n maan bãmb sãando.
16Zaabr sẽn ta, b talla neb wʋsg zĩn-dãmb sẽn tar n wa a Zeezi nengẽ. A Zeezi riga zĩn-dãmbã ne b noor goamã, la b maag neb nins fãa sẽn ka laafɩ wã. 17#Eza 53.4Yɩɩ a woto tɩ Wẽnnaam no-rɛɛs a Ezayi sẽn togsã paam pidsgu. A yeelame:
Bãmb deega tõnd yĩns tõodo,
la b zɩɩ tõnd bãase.
Tɩ tũ a Zeezi
(Luk 9.57-62)
18A Zeezi sẽn yã neb kʋʋngã sẽn gũbg bãmbã, b yeela b karen-biisã tɩ b loog n kẽng ko-kãsengã rʋʋnde. 19La tõog karen-saamb a yembr kolgame n yeel a Zeezi yaa: Mam na n tũuda yãmb n kẽnd zĩig ning fãa yãmb sẽn na n kẽnge. 20La a Zeezi yeela yẽnda: Waas tara bogdo, tɩ liuuli sẽn yɩgd yĩngrã tar tʋgdo, la Ninsaal Bi-riblã ka tar zĩig n na n gãneg a zug ye. 21Ned a to zĩnda bãmb karen-biisã sʋk n yeel bãmba: Zu-soaba, bas-y tɩ m deng n kẽng n tɩ mum m ba la m wa. 22La a Zeezi leoka yẽnda yaa: Tũ maam, la f bas kũumã tɩ b mum b kũum.
A Zeezi kɩtame tɩ sobg yõke
(Mark 4.35-41, Luk 8.22-25)
23Bãmb kẽe koom-koglgã, la bãmb karen-biisã tũu bãmba. 24La tao-tao bala sob-kãseng yika ko-kãsengã zug hal tɩ ko-pɛm limd koom-koglgã. La a Zeezi da gõeeme. 25Bãmb karen-biisã wa n neka bãmb n yeele: Zu-soaba, fãag-y-do! Ad‑y tõnd na n kiime! 26A Zeezi yeela bãmb yaa: Tẽeb bilf rãmba, yaa bõe tɩ yãmb zoet rabeem? La a Zeezi yikame n tãs sobdã ne ko-kãsengã, la zĩiga fãa lebga sɩddd... 27Daopã yɛɛsame n yeele: Nin-kãngã yaa bõe ned tɩ baa sobdã ne ko-kãsengã sakd bãmba?
Gadara gãeems a yiibu
(Mark 5.1-20, Luk 8.26-39)
28Bãmb sẽn dʋʋg ko-kãsengã n ta Gadara nebã tẽngẽ, gãeems a yiib n yi yaadẽ n wa a Zeezi nengẽ. B yaa gãeen-zabds hal wʋsgo, tɩ ned ka saagd n pɩʋʋg zĩig ning b sẽn be wã ye. 29Bãmb kelmame n yeele: Wẽnnaam Bi-ribla, yãmb waame n na n maan tõnd bõe? Yãmb waame n na n nams tõnd tɩ wakatã nan ka ta la? 30Kurkuy wʋsg n dag n be hal yɩɩg n wãbdẽ. 31La zĩn-dãmbã bõosa a Zeezi n yeel tɩ b sã n dig bãmb tɩ b yi, bɩ b tʋm-b tɩ b tɩ kẽ kurkuyã. 32A Zeezi yeela zĩn-dãmbã tɩ b kẽnge. La b yiime n kẽ kurkuyã. Dẽ, kurkuyã zoeeme n yi ko-kãsengã noor sigdgã n bilim n lʋɩ koomã pʋga, la koomã rɩ-b lame. 33Kurkuyã gũudbã zoeeme n kẽng tẽngã pʋgẽ n tɩ togs bũmb nins fãa sẽn maanã, la bũmb ning sẽn maan neb nins zĩn-dãmbã sẽn dag n tarã. 34La tẽngã rãmb fãa yiime n seg a Zeezi. La b sẽn yã a Zeezi, b kosa bãmb tɩ b loog la b bas-b b tẽnga.
Actualmente seleccionado:
A Matye koe‑noogo 8: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
A Matye koe‑noogo 8
8
A Zeezi maaga wãoore
(Mark 1.40-45, Luk 5.12-16)
1A Zeezi sẽn sig tãngã, kʋʋn-kãseng tũu bãmba. 2La gese, yĩng-soab a yembr n wa n wõgemd bãmb taoor n yeele: «Zu-soaba, yãmb sã n data, yãmb tõe n kɩtame tɩ mam lebg yɩlemde.» 3A Zeezi tẽega b nug n sɩɩs-a n yeele: Mam datame. Lebg yɩlemde. La tao-tao bala yĩn-gãong bãagã loog n bas-a lame t'a lebg yɩlemde. 4#Mk 14.1-32La a Zeezi yeela yẽnda yaa: Gũus f meng la f ra sak tɩ ned wʋm ye. Kẽng maan-kʋʋdã nengẽ tɩ b ges foom, la f kõ bũmb nins a Moyiis sẽn wilgã, t'a tõe n yɩ kaset b yĩnga.
Sodaas koabg naabã tʋmtʋmd yĩns maagre
(Luk 7.1-10)
5A Zeezi sẽn wa n kẽ Kapɛrnaom tẽnga, sodaas koabg naab a yembr n wa bãmb nengẽ n kos bãmb a woto: 6«Zu-soaba, mam tʋmtʋmd n ki bogr n gãe yiri, la a namsda wʋsgo.» 7A Zeezi yeela yẽnda: «M na n kẽngame n tɩ maag-a.» 8Sodaas koabg naabã leoka bãmb yaa: «Mam ka zems tɩ yãmb wa mam yir ye. Yãmb ye n gom bala, la mam tʋmtʋmdã na n paama laafɩ. 9Bala, neb n so maam, la mam me soo sodaase. Mam sã n yeel a yembr t'a kẽnge, a kẽngdame. La mam sã n yeel a to t'a wa, a watame. La mam sã n yeel m tʋmtʋmd t'a maan woto, a maandame.» 10A Zeezi sẽn wʋm woto, a linga bãmba. La b yeela neb nins sẽn tũud bãmbã yaa: Mam yeta yãmb sɩd tɩ mam nan ka yãnd tẽ-kãseng a woto ye, baa Israyɛll sʋkã. 11#Luk 13.29La mam yeta yãmb tɩ neb n na n yi yaang la taoore, n zĩnd n dɩ ne a Abrahaam arzãn soolmẽ. 12#Mat 22.13, 25.30, Luk 13.28La b na n loba soolmã kamb lik sẽn be yɩngã pʋgẽ, la yãbr ne yẽn wãbr na n zĩnda beenẽ. 13Dẽ, a Zeezi yeela sodaas koabg naabã yaa: «Kuil tɩ na n yɩɩ wa fo sẽn tẽ wã bala.» La wakat-kãng bala tʋmtʋmdã paama maagre.
A Zeezi maaga a Pɩyɛɛr deem-poaka
(Mark 1.29-34, Luk 4.38-41)
14Dẽ poore, a Zeezi kẽnga a Pɩyɛɛr yiri, la b mikame t'a reem-poakã gãee ne yĩn-wɩngre. 15La a Zeezi sɩɩsa a nugã, la a yĩn-wɩngrã sigame t'a yik n maan bãmb sãando.
16Zaabr sẽn ta, b talla neb wʋsg zĩn-dãmb sẽn tar n wa a Zeezi nengẽ. A Zeezi riga zĩn-dãmbã ne b noor goamã, la b maag neb nins fãa sẽn ka laafɩ wã. 17#Eza 53.4Yɩɩ a woto tɩ Wẽnnaam no-rɛɛs a Ezayi sẽn togsã paam pidsgu. A yeelame:
Bãmb deega tõnd yĩns tõodo,
la b zɩɩ tõnd bãase.
Tɩ tũ a Zeezi
(Luk 9.57-62)
18A Zeezi sẽn yã neb kʋʋngã sẽn gũbg bãmbã, b yeela b karen-biisã tɩ b loog n kẽng ko-kãsengã rʋʋnde. 19La tõog karen-saamb a yembr kolgame n yeel a Zeezi yaa: Mam na n tũuda yãmb n kẽnd zĩig ning fãa yãmb sẽn na n kẽnge. 20La a Zeezi yeela yẽnda: Waas tara bogdo, tɩ liuuli sẽn yɩgd yĩngrã tar tʋgdo, la Ninsaal Bi-riblã ka tar zĩig n na n gãneg a zug ye. 21Ned a to zĩnda bãmb karen-biisã sʋk n yeel bãmba: Zu-soaba, bas-y tɩ m deng n kẽng n tɩ mum m ba la m wa. 22La a Zeezi leoka yẽnda yaa: Tũ maam, la f bas kũumã tɩ b mum b kũum.
A Zeezi kɩtame tɩ sobg yõke
(Mark 4.35-41, Luk 8.22-25)
23Bãmb kẽe koom-koglgã, la bãmb karen-biisã tũu bãmba. 24La tao-tao bala sob-kãseng yika ko-kãsengã zug hal tɩ ko-pɛm limd koom-koglgã. La a Zeezi da gõeeme. 25Bãmb karen-biisã wa n neka bãmb n yeele: Zu-soaba, fãag-y-do! Ad‑y tõnd na n kiime! 26A Zeezi yeela bãmb yaa: Tẽeb bilf rãmba, yaa bõe tɩ yãmb zoet rabeem? La a Zeezi yikame n tãs sobdã ne ko-kãsengã, la zĩiga fãa lebga sɩddd... 27Daopã yɛɛsame n yeele: Nin-kãngã yaa bõe ned tɩ baa sobdã ne ko-kãsengã sakd bãmba?
Gadara gãeems a yiibu
(Mark 5.1-20, Luk 8.26-39)
28Bãmb sẽn dʋʋg ko-kãsengã n ta Gadara nebã tẽngẽ, gãeems a yiib n yi yaadẽ n wa a Zeezi nengẽ. B yaa gãeen-zabds hal wʋsgo, tɩ ned ka saagd n pɩʋʋg zĩig ning b sẽn be wã ye. 29Bãmb kelmame n yeele: Wẽnnaam Bi-ribla, yãmb waame n na n maan tõnd bõe? Yãmb waame n na n nams tõnd tɩ wakatã nan ka ta la? 30Kurkuy wʋsg n dag n be hal yɩɩg n wãbdẽ. 31La zĩn-dãmbã bõosa a Zeezi n yeel tɩ b sã n dig bãmb tɩ b yi, bɩ b tʋm-b tɩ b tɩ kẽ kurkuyã. 32A Zeezi yeela zĩn-dãmbã tɩ b kẽnge. La b yiime n kẽ kurkuyã. Dẽ, kurkuyã zoeeme n yi ko-kãsengã noor sigdgã n bilim n lʋɩ koomã pʋga, la koomã rɩ-b lame. 33Kurkuyã gũudbã zoeeme n kẽng tẽngã pʋgẽ n tɩ togs bũmb nins fãa sẽn maanã, la bũmb ning sẽn maan neb nins zĩn-dãmbã sẽn dag n tarã. 34La tẽngã rãmb fãa yiime n seg a Zeezi. La b sẽn yã a Zeezi, b kosa bãmb tɩ b loog la b bas-b b tẽnga.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.