A Matye koe‑noogo 16
16
Nebã kota bãnde
(Mark 8.11-13, Luk 12.54-56)
1 #
Mat 12.38, Luk 11.16 Fariizẽ-dãmbã ne Saduusẽ-dãmbã kolga a Zeezi. La bãmb sẽn dat n mak bãmb yĩnga, b kosa a Zeezi tɩ b maan bãnd sẽn yit yĩngr tɩ b yã. 2A Zeezi leok-b lame n yeele: «Zaabre, yãmb yetame tɩ zĩigã na n yɩɩ vẽenega, bala yĩngr yaa miuugu. 3La yibeoogo, yãmb yetame tɩ saag na n nii rũndã, bala yĩngr yaa miu-sablga. Yãmb mii yĩngr yɛl bilsgu, n yaool n ka tõe n bãng bãn sẽn wilgd wakatã yɛlã ye. 4#Mat 12.39, Luk 11.29Zamaan neb sẽn yaa wẽns la yoaadbã baooda bãnde. La b ka na n kõ bãmb bãnd a to tɩ ka a Zonaas bãndã ye.» La a Zeezi basa bãmb n looge.
Fariizẽ-dãmbã ne Saduusẽ-dãmbã rã-bɩlle
(Mark 8.14-21)
5A Zeezi karen-biisã sẽn wa n dabd ko-kãsengã rʋʋnd a to wã, b yĩmame n ka zɩ bur ye. 6#Luk 12.1A Zeezi yeela bãmb yaa: «Gũus‑y mens neer ne Fariizẽ-dãmbã la Saduusẽ-dãmbã rã-bɩlle.» 7La b tagsame tɩ yaa bãmb sẽn ka zɩ burã yĩng la a Zeezi gom woto. 8La a Zeezi bãnga b tagsgã n yeel-ba: «Tẽeb bilf rãmba! Yaa bõe tɩ yãmb tagsd y sũyẽ tɩ yaa yãmb sẽn ka zɩ burã yĩnga? 9#Mat 14.17-21Yãmb ket n nan ka wʋm la? Yãmb ka tẽr bur a nu wã sẽn sek raop tus a nu wã, la a kɛlã yãmb sẽn wʋkã pet sõore? 10#Mat 15.34-38Yãmb ka tẽr bur a yopoe wã sẽn sek raop tus a naase, la a kɛlã yãmb sẽn wʋkã pet sõore? 11Bõe tɩ yãmb ka bãng tɩ ka bur yell la mam gomd ne yãmba? Gũus-y y mens ne Fariizẽ-dãmbã la Saduusẽ-dãmbã rã-bɩlle.» 12La karen-biisã bãngame tɩ b sẽn yeel bãmb tɩ b gũus ne bũmb ningã, ka rã-bɩll sẽn ningd burã ye, la yaa Fariizẽ-dãmbã ne Saduusẽ-dãmbã zãmsgã.
A Pɩyɛɛr kaseto
(Mark 8.27-30, Luk 9.18-21)
13A Zeezi sẽn ta Sezaare sẽn yaa a Filip soolmã tẽngã, b soka b karen-biisã yaa: «Nebã yetame tɩ maam a Ninsaal Bi-riblã yaa ãnda?» 14#Mat 14.1,2, Mark 6.14,15, Luk 9.7,8B leokame: Neb kẽer yetame tɩ yãmb yaa a Zãmbatiisi, tɩ kẽer t'a Eli, tɩ kẽer t'a Zeremi wall Wẽnnaam no-rɛɛsdbã ned a yembre.» 15T'a Zeezi leb n sok-ba: «La yãmba, yãmb yetame tɩ mam yaa ãnda?» 16#Zã 6.68,69A Sɩmo Pɩyɛɛr leokame n yeele: «Yãmb yaa Kirisã, Wẽnnaam sẽn vɩ wã Bi-ribla.» 17La Zeezi goma ne-a n yeel-a: «Sɩmo! A Zonaas biiga, bark bee fo zugu. Bala, ka nemd walla zɩɩm n vẽneg foom bõn-kãngã ye. Yaa m ba sẽn be arzãnã. 18La maam, mam yeta foom tɩ fo yaa Pɩyɛɛre, la kug-kãngã zugu, mam na n mee m Wẽnd doogã, la kɩɩm-kulg ka na n tõog-a ye. 19#Mat 18.18, Zã 20.23Mam na n kõo foom arzãn soolem kʋɩlen-biisi: ‹Bũmb ning fãa fo sẽn na n loe tẽng zug ka na n loee arzãna, la bũmb ning fãa fo sẽn na n lok tẽng zug ka na n loka arzãna.› 20Dẽ, bãmb sagla b karen-biisã neere, n yeel-b tɩ b ra togs ned baa a yembr tɩ bãmb yaa Kiris ye.»
A Zeezi goma b kũum yelle
(Mark 8.31, 9.1, Luk 9.22-27)
21Sẽn sɩng wakat-kãnga, a Zeezi sɩngame n wilg b karen-biisã tɩ yaa tɩlɛ tɩ bãmb kẽng Zeruzalɛm tɩ kãsem-dãmbã ne maan-kʋʋdbã ne tõog karen-saam-dãmbã nams bãmb wʋsgo, la b kʋ bãmba. La rasem a tãab daarã, bãmb na n vʋʋgame. 22A Pɩyɛɛr boola bãmb n yi kɛɛng n leng-b n yeele: «Zu-soaba, Wẽnd na zãage! Yel-kãngã kõn paam yãmb abada.» 23La a Zeezi wẽnemdame n yeel a Pɩyɛɛr yaa: «Leb mam poorẽ, Sʋtãana! Fo yaa gɩdgr mam sor zugu. Bala, fo tagsdã ka Wẽnnaam dẽnd ye, yaa ninsaal dẽnda.»
24 #
Mat 10.38, Luk 14.27 Dẽ, a Zeezi yeela b karen-biisã yaa: «Ned sã n dat n tũ maam, bɩ a kɩɩs a meng raabo, n tʋk a da-pɩk n pʋg maam. 25#Mat 10.39, Luk 17.33, Zã 12.25Bala ned ning sẽn baood tɩ kogl a vɩɩm, a vɩɩm na sãame, la ned ning sẽn na n bas a vɩɩm mam yĩnga, a na leb n paam-a. 26La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a vɩɩmã? 27#Mat 25.31, Yɩɩn 62.13, Rom 2.6Bala, Ninsaal Bi-riblã na n waa ne b ba wã ziiri, ne b malegse. La rẽ wẽnde, bãmb na n dola ned kam fãa wa sẽn zems a tʋʋmde. 28Sɩd-sɩda, mam yeta yãmb tɩ sẽn be-b ka wã, neb kẽer n ka na n ki hal tɩ b yãnd Ninsaal Bi-riblã sẽn wat ne b naamã ye.»
Actualmente seleccionado:
A Matye koe‑noogo 16: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
