A Ooze 5
5
Keoogre, maan-kʋʋdbã ne rĩmã yĩnga
1Maan-kʋʋdba, kelg-y-yã!
Israyɛll nebã, kelg-y neere!
Na-yir dãmba, yok-y y tʋb n kelge!
Yãmb la bʋ-kaoodã sẽn gomd ne wã,
bala, yãmb yɩɩ wa kũusr Mitspa,
la wa tãoog b sẽn bẽd Taboor tãngã zugu.
2Kɩɩsdbã yel-wẽnã looga nugu,
la maam a Sẽn-Ka-Saab na n sɩbga b fãa.
3Mam mii Efrayiim buudã,
la Israyɛll ka tar bũmb sẽn solg ne maam ye.
Efrayiim nebã, yãmb yoome,
la Israyɛll nebã rẽgma b mense.
4A Israyɛll nebã manesem kɩtame,
tɩ b ka tõe n lebg n wa b Wẽnnaamã nengẽ ye,
bala yoobã sɩɩg kẽ-b lame,
b sẽn ka mi Wẽnnaamã yĩnga.
5Israyɛll nebã wuk-m-mengã kaooda b bʋʋdo.
Israyɛll ne Efrayiim nebã kongr
na n yɩɩ kug-lakdg b yĩnga,
la Zʋʋda buudã me na n naag n lakame.
6Bãmb na n kẽnga Sẽn-Ka-Saab nengẽ
ne b rũm-bɛd la b rũm-bãoonego,
n tɩ bao bãmba,
la b kõn tol n yãnd-b ye,
bala, Sẽn-Ka-Saab zãaga
b meng ne bãmba.
7Bãmb zãmba Sẽn-Ka-Saabo,
bala, b roga tãmpĩ-bi,
la moasã ki-paalgã na n dɩɩ bãmb ne b paoongã.
Efrayiim ne a Zʋʋda zabre
8Peeb-y baorg Gɩbeya,
la y peeb baorg Rama!
Kaas-y zabr kaasg Bɛt-Avɛn!
Benzame nebã, gũus-y y poorẽ!
9Sɩbgrã daare, Efrayiim na n sãamame.
Mam yeta Israyɛll nebã bũmb sẽn ka na n vaal ye.
10Zʋʋda nanambsã yaa wa neb sẽn sersd zĩis todse,
la mam sũurã na n puuga ne bãmb wa ko-zoetem.
11B namsda Efrayiim nebã,
n mongd-b bʋʋm,
bala, bãmb pʋgda sebgo.
12La mam na n yɩɩ wa mogd Efrayiim nebã yĩnga,
la wa solenkẽeg Zʋʋda buudã yĩnga.
13Efrayiim nebã yãnda b bãagã,
la Zʋʋda nebã yãnda b nod-kɛgengã.
Efrayiim nebã kẽnga Asiiri,
n tɩ tʋm neb Yarɛɛb rĩmã nengẽ,
la rĩm-kãng ka na n tõog n maag y bãagã,
wall a tɩp y nodrã ye.
14Bala, mam yaa wa gɩgemd Efrayiim nebã yĩnga,
la wa gɩgem-poll Zʋʋda buudã yĩnga.
Mam na n tɛɛ bãmb n gʋs la m looge,
Mam na n yõka bãmb n tall n loog
tɩ ned ka tõe n fãag bãmb ye.
Wẽnnaam basa Israyɛll nebã
15Maam a Sẽn-Ka-Saab na n loogame,
la m na n lebg n wa m zĩigẽ wã,
hal tɩ b sak n deeg tɩ b kongame,
n bao maam.
Bãmb yel-pakrã pʋga,
b na n baoo maam ne b sũyã fãa.
Actualmente seleccionado:
A Ooze 5: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
