A Ooze 14
14
1B na n ninga Samaari nebã taale,
Bala, b kɩɩsa b Wẽnnaamã.
La b na n paa tãpẽ.
B na n f kʋʋ bãmb kom-bãoonegã,
la b weed b pagb nins sẽn tʋtã pʋse.
2Israyɛll nebã, lebg-y n wa-y
Sẽn-Ka-Saab sẽn yaa yãmb Wẽnnaamã nengẽ.
Bala, yãmb lakame n lʋɩ y kongrã pʋga.
3Segl-y goam n lebg n wa Sẽn-Ka-Saab nengẽ,
n yeel-y bãmb yaa:
Kõ-y-d sugr d beegrã fãa yĩnga.
La y reeg bõn-sõamyã nins tõnd sẽn kõt yãmbã.
Tõnd na n kõo yãmb la d pẽg yãmba.
4Asiiri ka na n fãag tõnd ye.
Tõnd ka na n zomb wiidi ye,
Tõnd ka na n leb n bool d nus tʋʋmã
tɩ d wẽnnaam-dãmb ye.
Bala, yaa yãmb nengẽ la kɩɩbsã
paamd nimbãan-zoeere.
5Mam na n yiisa bãmb ka-tẽebã,
Mam na n nong-b-la ne yamleoogo.
Bala, mam sũ-puugrã ne-b sɛɛme.
6Mam na yɩɩ wa meenem Israyɛll nebã yĩnga.
Bãmb na n toba wa tɩ-puudu.
La b na n kɩɩ yẽg wa Libã tɩɩse.
7A wilã na n tẽeme,
la b na n yɩɩ neeb wa oliiv tɩɩse,
tɩ b yũ-noogã yɩ wa Libã tɩɩsã yũ-noogo.
8Neb nins sẽn zĩ a maasmẽ wã
na n lebg n waame.
B na n kɩtame tɩ b wom biisi.
La b na n toba wa reezẽ tɩɩse.
B yʋʋrã na n yii wa Libã tɩɩsã.
9Efrayiim nebã,
Bõe yõod la mam leb n tar ne wẽn-naandsã?
Maam n na n leok yãmb kosgo,
la m ges y yelle.
Mam na n yɩɩ wa sɩprɛs tɩɩg sẽn tobd wakat fãa wã.
Yaa mam nengẽ la yãmb biisã yita.
10Ãnda n tar yam,
n tõe n wʋm bõn-kãensã võore.
La a tõe n bãng-ba?
Sẽn-Ka-Saab soayã yaa sõama.
Nin-tɩrsã na n kẽna b zutu,
la kɩɩsdã na n kẽn n lagsame.
Actualmente seleccionado:
A Ooze 14: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
