SABURI 95
95
Kyiimbo Kya Irumisha
1Oshony, lwiimbye Nndumi Iruva!
Kapeny ukoru mbanga ya ukyiro lweru!
2Lushe usanguny lwakwe lwimwaanaa.
Lunkapye ukoru kwa fiimbo
3Mashika Nndumi Iruva, ni Iruva nniini,
Na Mangyi niini uwe ya maruva moose.
4Mamungo a ulana mmbo akee mayiny akwe,
Na nyuroro ta mafumbu ni masaa akwe.
5Yeeve ni lyakwe, mmbwe alelyuumba.
Na maako akwe akaumba uruka uumu.
6Oshony, lwiindye, lunfirye ndi.
Lufirye ndi usanguny lwa Nndumi Iruva aleluumba,
7Mashika mmbwe Iruva weeru.
Na yese mmbo lukee vaura lwakwe,
Na moonri a woko lwakwe.
Kyevaa ngwaana, inu mwaranyi unyanga lwakwe,
8“Mulasheiumisa ngoo tany-fo
Sha lya kulya Meriba
Sha nkonu ulya wa Masa kulya kasa ngalo.
9Yoo vande vany valeshivika kyeesyony;
Vakasheesa, vakallya mashora akwa.
10Myaaka makumi aana nsheting'wa kya irika elyo,
Shaamba, “Yewo ni vandu varavi ngoony,
Mmbalemanya shia takwa-fo.
11Sharooywa ngoo, shalya mboo,
Mmbashaangaa ifureny lyakwa-fo.”
Actualmente seleccionado:
SABURI 95: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
