SABURI 63
63
Kiterewo kya Ukiro
1Woi Iruva, yewe Iruva wakwa;
Mmbo shikeekuruuya na nrima wakwa.
Nrima wakwa mmbo ukulanngye shava sha nndu atirwa nnyura
Shitirwa nnyura shava sha uruka wuumu kundo kulatiri mura.
2Shakunda ikulollya yoo ando kwafo kweele
Shilole wiidimi lwa finya na itumbe lyafo.
3Mashika ikunda lyafo mmbo lying'ani lyikailannya muu;
Kana kyakwa mmbo kikwaarafumaa!
4Shikwaarafumaa kyeeri kyoose kya muu wakwa,
Shiipoiyo maako akwa uwe kyeeri shiifo shiikutereva yewe.
5Nrima wakwa ukaishwa ifura.
Na kana kyakwa shakwaarafuma.
6Kyeeri shilele rony ni yewe shikukummbwa,
Makusaro akwa ni kwafo akai kio tara-raa.
7Mashika yewe mmbwe mweekyi wakwa;
Kwasi ya kirishe kya maaru afo mmbo nshiimba shiifurye.
8Nrima wakwa ukavika nsia efo kwafo;
Wa woko lwafo usha lukashisaleesa.
9Indi valya vakeshiruuya ireta muu wakwa,
mmbo vasherekya irininy efo sumbai ya uruka,
10Mmbo vashewaawa na usu,
Vasheva shoonga ya mannying'a.
11Indi mangyi mmbo ashefuraa efo kwa Iruva,
Na valya veevika kyaasa kwa irina lya Iruva mmbo vashemwaarafumaa,
Indi valya veyaamba fya ulembi kana kyawo mmbo kyivaa mbimbi.
Actualmente seleccionado:
SABURI 63: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
