SABURI 61
61
Kiterewo kya uringyi
1Shakufuuya, Woi Iruva!
Kwaarannye kiterewo kyakwa!
2Shakufuuya shikee mbai ya ulana,
Kyeeri nrima wakwa wikee nrovye,
Kushitetere kushifite udooro-u,
3mashika yewe mmbwe ngarami yakwa,
Ngo itiri finya, uwe ya vakiduva vakwa.
4Shakutereva shikee yefo mmba kwafo llung'anu,
Kundo kutiri uringyi lwafo!
5Ewe Iruva, mmbo kulemamita fyaasa fyakwa,
Neewe kwashisimba kilya kyikwaani neeny kya valya vaereiye irina lyafo.
6Simba mangyi muu mwaasha!
Myaaka yakwe yeekyene ngyeeri na ngyeeri!
7Mwiidimisye ashillye llung'anu usanguny lwafo yewe Iruva.
Isarya na ilyillya lyafo fintetere.
8Kweekyo mmbo shikwiimbya fiimbo fyeerumisha irina lyafo
Kyeiinndya fyaasa fyakwa mikonu myoose.
Actualmente seleccionado:
SABURI 61: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
