SABURI 45
45
Kyiimbo kya Walyi lwa Kimangyi
1Ngoo yakwa yiishwe nsia!
Yeny mmbo shaamba ekyo shiletannya mangyi,
Uumi lwakwa lakavaka mwireiya mwaantu.
2Mmbo kukee nsha kwailannya vandu
Marero afo ni uleke.
Nawe Iruva kakuniinga mbora llung'anu.
3Kufingye upanga lwafo kisiny!
Mashika yewe mmbwe lukuvikye nsia!
4Latya fira, kuvinge,
Kwikapannya usumanu na udede.
Finya yafo ikuniinge ivinga lying'ani!
5Mife yafo ni myoovi,
Ikaidima iwaa vakiduva va mangyi.
Na masanga a vandu vakafwa.
6Kitima kyafo kya ushilyi ni Iruva akuniingye.
Nakyo mmbo kyikaa llung'anu na llung'anu,
Na vandu vafo kwavashillya kwa usumanu.
7Kwasalallya usumanu kwasua ukasha;
Nkyo kimaruma Iruva, Iruva wafo kakusauwa,
Na ikupusuya ifura kilanya ya vengyi.
8Masara afo akatira mfwaamu nsha.
Veembi vakaimbya kwafo,
Efo mmba tishopyo na mbembe ta shofu.
9Vana va kyeny va kimangyi.
Nawo vakashekwaammbya.
Na nka-mangyi eselelyi woko lwafo usha,
Eree saabu shisha ya Ofiri!
10Na yewe mwana shaarannya,
Kushaarannye nnu
Rekywa na ilakana na vandu va kwany,
11Kisangu kyafo kyansennya mangyi,
We mmbwe mmi wafo, kuti kumwiindye.
12Vandu va Tiro vekweengye masaa awo,
Na masimba akundaa ikulunga na yewe.
13Mfu wa mangyi efo eshangaa,
Eree soori shisha nnu ta saabu.
14Amma ifitwa alya mangyi akai,
Eree soori ta mavara-vara meengyi.
15Veshiimbaa na ifura nnu,
Vakafika na yaanga kulya mmba ya mangyi,
16Yewe mangyi mmbo kushewona vana veengyi,
Vasheshillya andu a vamiku vafo,
Nawo mmbo vasheshillya ulaniny koose.
17Irina lyafo mmbo lyikwaana ulaniny koose
Lyishiitikiswa na irumishwa,
Fyeeri fyoose fika llung'anu.
Actualmente seleccionado:
SABURI 45: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
