SABURI 29
29
Unyanga lwa Iruva
1Rumisheny Nndumi Iruva,
Yeni vasu va iruveeu,
rumishe Iruva eto muni finya.
2Irina lya Nndumi Iruva lyiirumishwa
Naakwaa ni iindywa efyo miindyeny ya iirumisha.
3Unyanga lwa Nndumi Iruva;
Lukeitiwa uwe ya mura,
Nndumi Iruva akee kapa ngova,
Unyanga lwa Iruva lukaitiwa uwe ya yeeve.
4Unyanga lwa Nndumi Iruva,
Lutiri finya nlo lukatira usuri.
5Unyanga lwa Nndumi Iruva lukafisha mieresi,
Ee naakwa ni mieresi y Lebanoni.
6Ikaallwa mafumbu a Lebanoni,
Ikakillya sha ngashe,
Na ifumbu lya Hermon lyikillye
Sha ngashe ya mbo-o.
7Unyanga lwa Nndumi Iruva,
Lukasumuta fipalapala fya muro
8Unyanga lwa Nndumi Iruva,
Lukareremisa kasa koomu.
Na unyanga lwa Nndumi Iruva;
Lukareremisa kasa ka Kadeshi.
9Unyanga lwa Nndumi Iruva,
Lwaringisa miri itiri finya,
Ikavammbwa-fo maramba a miri ya ngoroshony,
Na yewo va mmba yakwe woose vasheambaa
Narumishwe we Iruva.
10Nndumi Iruva ashillye uwe ya mura,
Nndumi Iruva kakaya kiri kyakwe kya Umangyi llung'anu.
11Nndumi Iruva aniinga
Vandu vakwe finya
Na iniinga vandu vakwe mbora na ufoo.
Actualmente seleccionado:
SABURI 29: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
