SABURI 26
26
Kiterewo kya Nndu Mwaarya
1Woi Nndumi Iruva, kushikapannye,
Mashika nshitiri mbese-fo,
Nshikuvikye nsia kuleefo nyinyira.
2Woi Nndummi Iruva shisuma kushimanyi,
Kulle nrima wakwa na makusaro akwa.
3Ikunda lyafo lyikeshoora,
Sharunda kikwaani na udede lwafo.
4Nshikaa rembo na vandu varavi-fo,
Nta shilakaa na vakunangari.
5Shisuuye isanga amwi na varavi,
Naakwa ni yewo veesoka.
6Woi Nndumi Iruva mmbo shasangya maako akwa,
Kya yoora sheelyi nshitiri ivara-fo,
Shakulunga na valya veanga mwiindyeny,
Sharingitya mesa afo.
7Shishiimba kiimbo kya ikwaarafuma,
Na yaamba mitannyi yafo ya wende.
8Nndumi Iruva ni efo kwafo shikundye,
Ando usuri lwafo usha lukai.
9Kulashisande amwi na valyamari,
Nta isheshaanta amwi na yewo vewaa.
10Vandu vetana fivishwa kyeeri kyoose,
Wo nkonu vakava veelya fya ntambo.
11Indi yeny mmbo shitanaa fya usumanu,
Kushisarye na ishikira.
12Kwakooya shakaa-fo shitiri finya,
Mmbo shirumishaa Nndumi Iruva,
Nnangani ya ikwaanu lya siri ya Nndumi.
Actualmente seleccionado:
SABURI 26: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
