SABURI 21
21
Irumisha Iruva Kyeevinga
1Ee Iruva, mangyi atiri ifura,
Mashika kulenninga finya
Kakapa nndoro mashika kulemwallwa mmbingyi,
2Kulenninga kyikasennya nrima wakwe,
Kwarouwa kiterewo kyakwe.
3Kwasha kwakwe na mbora shiingyi,
Na nrweny mbwakwe kwambikya-fo,
Ureto lwa saabu.
4Mmbo alekutereva muu mwaasha neewe kwanninga;
Kwa fyeeri fiingyi llung'anu na llung'anu.
5Kulemweekya kakooya iitikiswa nnu;
Yewe kwansimba umasi na iindyo;
6Kwansimba mbora yafo kyeeri kyoose,
Elyi kwiiyo kwamwishura ifura.
7Ni yewe mangyi akuvikye nsia,
Yee Iruva mwitorya,
Kulaifyo kindo kimmbanaa,
Kyeendwa ni ikunda lyafo yewe Iruva.
8Woko lwafo lwa finya,
Mmbo lutiraa vakiduva vafo woose,
Lutiraa ewo woose vakusuuye.
9Muro nniini ushevarumataa elyi kusheshaa,
Nyashi yafo ishevawoyaa,
Yewe Iruva mwitorya,
Nawo vasherumatwaa ni muro.
10Ufyari lwawo mmbo lushemamitwaa,
Yaa ulaniny,
Na vana vawo valalollye nnang'ani a vandu.
11Naakwa vavika nntambo,
Ao kyama kya ikutannya kyikasha,
Na vakakyi mmbashiidimaa-fo.
12Mashika kuveerya mife na ivarishisa,
13Kurumishwaa ee Nndumi Iruva,
Kyeendwa ni finya tafo,
Lushiimba na irumisha wiidimi lwafo.
Actualmente seleccionado:
SABURI 21: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
